Presidenti i SHBA, Donald Trump ka sulmuar kryeministren italiane, Giorgia Meloni pas Samitit të G7, ku duhej se e kishin kapërcyer hendekun mes tyr...
Tre vende të NATO-s, pas rishikimit të të dhënave, rezulton se kanë shpenzuar më pak për mbrojtjen e tyre sesa ishte rë...
SPORT
Zhezus është i bindur: Saka, në të njëjtin nivel me Vinicius
PiranjatPërditësimi i fundit 7 Prill 2026, 12:59
Sulmuesi brazilian Gabriel Zhezus ka vlerësuar lart talentin e Bukajo Saka, duke e vendosur atë në të njëjtin nivel me yjet e mëdhenj si Rodrigo, Vinícius, apo Rafinja.
Në një prononcim të fundit, braziliani theksoi se Saka meriton të jetë në “të njëjtën tavolinë” me këta lojtarë elitarë, duke shtuar se megjithatë trofetë janë hapi i radhës për ta konfirmuar plotësisht këtë status.
“Është në të njëjtin nivel! Ende duhet të fitojë trofe, por këtë do ta bëjë. Jam një fans i madh i personalitetit të tij – është shumë i përulur dhe i fortë. Thashë ‘wow’”, u shpreh ai. Deklarata e tij vjen si një tjetër dëshmi e rritjes së vazhdueshme të Sakas, i cili po konsiderohet si një nga talentet më të mëdhenj të futbollit evropian dhe një lider i rëndësishëm për klubin dhe kombëtaren e tij. sulmuesi i Arsenal, ka reaguar ndaj urrejtjes që, sipas tij, disa tifozë të tjerë në futbollin anglez kanë ndaj klubit londinez.
“Që kur u bashkova me klubin, shumica e njerëzve urrejnë Arsenalin… Nuk e kuptoj pse?!”, tha Hezus, duke shprehur habinë e tij për këtë fenomen. Ndër të tjera, sulmuesi brazilian theksoi gjithashtu përmes intervistës se është i përkushtuar ndaj skuadrës dhe do të japë gjithçka për suksesin e klubit. Kjo deklaratë e tij ka hapur një debat në rrjetet sociale për klubin më të urryer në futbollin anglez dhe për perceptimin që tifozët kanë për rivalët. Ndërkohë, përpara sfidës së vajtjes me Sportingun e Lisbonës në Ligën e Kampioneve, trajneri i Arsenalit, Mikel Arteta, përveçse u shpreh se do të kërkojnë një rezultat sa më pozitiv që në transfertë, gjithashtu dha edhe lajme pozitive për gjendjen e Noni Madueke pas shqetësimeve për një dëmtim të rëndë.
Sipas Artetës, dëmtimi i sulmuesit është më pak serioz sesa ishte menduar fillimisht dhe nuk pritet të jetë jashtë për një periudhë të gjatë. “Noni ishte shumë i shqetësuar, sidomos pas asaj që i ndodhi në gjurin tjetër disa javë më parë, kur mungoi për gjashtë javë. Por kjo nuk është aspak në atë nivel”, u shpreh trajneri. Ai shtoi se lojtari pritet të mungojë vetëm për disa ditë dhe jo për javë, duke i dhënë një lajm inkurajues skuadrës londineze në këtë fazë të sezonit.
