Kongresmenja demokrate amerikane Alexandria Ocasio-Cortez ka reaguar lidhur me protestat në Shqipëri, duke i bërë thirrje qeverisë sh...
SOCIALE
Sot mbahen homazhet për Dhimitër Anagnostin, regjisori i njohur do prehet në vendlindje
PiranjatPërditësimi i fundit 2 Shtator 2025, 08:37
Regjisori i njohur shqiptar, Dhimitër Anagnosti do të përcillet ditën e sotme për në banesën e fundit, ku do të prehet në vendlindjen e tij, në Vuno të Himarës.
Homazhet për regjisorin do të mbahen në hollin e Teatrit të Operas dhe Baletit nga ora 10:00-13:00, ku familjarë, miq, kolegë dhe dashamirës të artit do t’i lamtumirën e fundit mjeshtrit të artit.
Një nga figurat më të shquara të panteonit të kinematografisë shqiptare, Dhimitër Anagnosti, u nda nga jeta një ditë më parë në moshën 89-vjeçare, pas një beteje të gjatë me një sëmundje të rëndë.
Konsideruar si një prej regjisorëve më të mëdhenj të artit shqiptar, Anagnosti numëron në ‘portofolin’ e tij artistik 15 skenarë, 14 filma artistikë dhe 10 dokumentarë, të realizuara gjatë karrierës 40-vjeçare. Për kontributin që ka dhënë, ai është vlerësuar me disa çmime kombëtare dhe ndërkombëtare.
Ndër filmat e tij kujtohen “Komisari i dritës”, “Duel i heshtur”, “Lulëkuqet mbi mure”, “Kthimi i ushtrisë së vdekur”, “Përrallë nga e kaluara”, “Gurët e shtëpisë sime”, “Cuca e maleve”, “Malet me blerim mbuluar”, “Gjoleka, djali i Abazit” etj, shumë prej të cilëve u shfaqën në festivale ndërkombëtare.
