Kongresmeni amerikan Jim McGovern ka reaguar me shqetësim për protestat në Shqipëri, duke i bërë thirrje qeverisë të nda...
AKTUALITET
‘7 Marsi’ mes alarmit për arsimin/ Lili Sula: Shkollat po boshatisen, çdo vit mijëra nxënës dhe studentë më pak
PiranjatPërditësimi i fundit 7 Mars 2026, 17:43
Në Ditën e Mësuesit, 7 Marsin, drejtuesja e Departamentit të Arsimit në PD, Lili Sula, në një intervistë për SYRI TV, ngriti shqetësimin për gjendjen e arsimit në vend, duke theksuar se sistemi arsimor po përballet me një rënie të fortë të numrit të nxënësve dhe studentëve.
Sipas saj, shifrat e regjistrimeve nga një vit në tjetrin janë alarmante dhe tregojnë boshatisjen e klasave, auditorëve dhe madje edhe të zonave të tëra të banimit, duke paralajmëruar pasoja të rënda për të ardhmen e arsimit dhe tregun e punës në Shqipëri.
Lili Sula: Sigurisht që 7 marsi nuk është një ditë e entuziazmit, e arritjeve të shtetit ose e mbështetjes dhe trajtimit me dinjitet të mësuesit, të pedagogut apo dhe të studentëve, të nxënësve e të tjerë. Ky vit e gjen më keq sesa viti që kaloi. Dhe ky vit e gjen më keq qysh prej numrave të regjistrimit në sistemin e arsimit parauniversitar, në sistemin e arsimit universitar, në mënyrën se si trajtohet mësuesi dhe pedagogu, si trajtohet studenti e të tjerë. Më lejoni t'ju them vetëm pak shifra, për të cilat janë tronditëse. Nga njëri vit në vitin tjetër, ne kemi një humbje prej gati 10%-sh të numrit të nxënësve.
Dhe kjo është një gjë kaq alarmante saqë, është një gjë për të, alarmante në kuptimin, jo vetëm demografik, por në kuptimin edhe të shpërbërjes së rinisë sonë, të boshatisjes së auditorëve dhe të klasave, por edhe të boshatisjes së qendrave të tëra të banimit. Kemi zona të caktuara në Shqipëri dhe jo në zona të thella, por edhe në zona periferike, që është boshatisur shkolla. Shkolla ka mbetur si një godinë fantazmë, pa asnjë nxënës ndër to. Nga vjet, nga 2024 pra, në 2025 sepse 26 sapo ka nisur, ne kemi 800 fëmijë më pak të regjistruar në kopshte. Kemi 4710 fëmijë më pak të regjistruar në arsimin fillor, 2745 fëmijë më pak të regjistruar në arsimin nëntëvjeçar, dhe 2565 më pak të regjistruar në arsimin e mesëm, në krahasim pra me 2024-ën.
Vetëm një vit janë këto shifra. Pa futur këtu që çdo vit edhe në sistemin arsimor të lartë ose në universitete, janë rreth 1500 studentë më pak. Gjë që shkon edhe në një ekuilibër tjetër që tregon që një pjesë e maturantëve po e braktisin arsimin universitar në Shqipëri, po shkojnë jashtë shtetit për t'u shkolluar edhe për të emigruar dhe një pjesë e vogël po kështu po preferojnë shumë më tepër arsimin jo publik, arsimin e lartë jo publik, sesa arsimin shtetëror, arsimin pra publik. Gjë që janë vërtet këmbana alarmi për këtë qeveri, për të cilën ne këtë tryezë sot nuk e krijuam me idenë që, çfarë mund të bëjmë neve sot.
Ne e dimë që kjo qeveri ka bërë ndër 13 vite pikërisht një politikë dhe një strategji që e ka pasur të menduar. Sepse të godasësh arsimin do të thotë të godasësh të ardhmen e vendit. Padyshim që po. Nëse shkollat kanë mbetur bosh, kjo është reflektuar drejtpërdrejt në sistemin e lartë arsimor. Ne kemi shumë më pak studentë seç kemi pasur ndër vite, ndërkohë që universitetet rajonale të qyteteve me shumë traditë si Elbasani, por edhe Durrësi, Korça, Gjirokastra e të tjerë, Shkodra po kështu, Vlora, kanë të mbyllura degët e mësuesisë. Po i kanë të mbyllura. Kjo është një fjalë që duket sikur del një gjë normale, por është një gjë kaq dramatike për këtë këmbë se s'ka ku të shkojë. Dhe pasojat e këtij problemi të këtyre viteve, pasojat do të ndjehen jo vetëm në këtë periudhë të pesëvjeçarit që ne po jetojmë edhe më intensivisht, por do të vijojnë të ndjehen edhe 10 vite më pas, duke krijuar një hendek të madh në tregun e punësimit, në fashën e moshës së re 15 deri në 29 vjeç, në profesionistët do të na duhen, por edhe në mësues, nuk do të kemi më mësues edhe për arsimin fillor të fëmijëve, edhe për arsimin nëntëvjeçar. Ka të dhëna dramatike.
