Në mbështetje të studentëve që protestojnë para Ministrisë së Arsimit, protestës i është bashkuar edhe ...
AKTUALITET
Adela Xhemali drejt AMF-së, qeveria shkel ligjin
PiranjatPërditësimi i fundit 26 Nëntor 2025, 22:06
Qeveria ka propozuar Adela Xhemalin për drejtimin e Autoritetit të Mbikëqyrjes Financiare (AMF), pavarësisht se një nen kyç i ligjit e ndalon në mënyrë të prerë një emërim të tillë.
Ligji Nr. 9572, që rregullon funksionimin e AMF-së, është i qartë. Neni 5, pika (b), përcakton se: Nuk mund të emërohet në AMF asnjë person që ka lidhje familjare me drejtues të subjekteve të mbikëqyrura nga AMF në 3 vitet e fundit.
Ligji nuk lë vend për interpretime. Bashkëshorti i Adela Xhemalit, Armand Muharremi, ka shërbyer deri në muajin maj të këtij viti si Kryetar i Këshillit Administrativ të "ABI Invest", institucion i licencuar dhe i mbikëqyrur drejtpërdrejt nga Autoriteti i Mbikëqyrjes Financiare (AMF). Për këtë arsye, kandidatura e propozuar jo vetëm që ngre dyshime për konflikt interesi, por përbën një shkelje të pastër të nenit ligjor.
Kandidatura e Xhemalit pritet të kalojë për miratim në Kuvend, sipas procedurave ligjore. Ajo do të zëvendësojë Mimoza Kaçin, të cilës i mbaron mandati. Adela Xhemali ka mbajtur postin e Zëvendësministrit të Financave dhe Ekonomisë gjatë periudhës shkurt 2020-mars 2025.
