Një shpërthim me lëndë të dyshuar plasëse është regjistruar në orët e para të mëngjesit të so...
AKTUALITET
"Ai i merr gjërat afër zemrës"/ Bashkëshortja e Erik Lloshit tregon pse kishte frikë për hyrjen e tij në BBV5
PiranjatPërditësimi i fundit 18 Janar 2026, 14:46
Bashkëshortja e këngëtarit Erik Lloshi, Romina, ishte sot e ftuar në emisionin “BBV Fan Club”, ku hodhi poshtë zërat për një ndarje mes saj dhe banorit të “Big Brother VIP 5”. Ajo theksoi se mes tyre nuk ka asnjë krizë dhe se vazhdon ta mbështesë plotësisht Erikun në rrugëtimin e tij brenda shtëpisë.
Gjatë intervistës, Romina zbuloi edhe arsyet pse fillimisht nuk ishte dakord që bashkëshorti i saj të bëhej pjesë e reality show-t. Sipas saj, karakteri emocional dhe temperamenti i fortë i Erikut e bëjnë atë më të ndjeshëm ndaj presionit psikologjik që sjell loja.
“Eriku ka pak temperament të vështirë, është shumë gjaknxehtë dhe i merr gjërat shumë afër zemrës dhe i përjeton shumë. Kjo ka qenë një nga arsyet që nuk doja që ai të hynte në Big Brother. Loja në Big Brother është një lojë shumë e fortë psikologjike, ku njerëzit luajnë të gjitha kartat e mundshme, të familjes, të jetës personale dhe çdo gjë. Është një person që i merr gjërat shumë afër zemrës dhe shumë i drejtë. Nuk është ai agresiv që përpiqet ta përkufizojë në Big Brother”, tha bashkëshortja e banorit të BBVip 5.
Romina shtoi me humor se edhe çështjen e divorcit ia kishte përmendur para se ai të hynte në shtëpi, por vetëm në formë presioni dhe shaka, pasi në realitet ajo qëndron krah tij dhe e mbështet në këtë sfidë të vështirë televizive.
