Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Aksioni i RENEA-s në Shkodër/ Lala: Zyrtarisht për Safet Bajrin nuk ka urdhër arrest! Për masakrën e Dobraçit nën hetim edhe njeriu i Ervis Martinajt...
b.zPërditësimi i fundit 18 Shkurt 2025, 21:55
Klodiana Lala
TIRANË - Gazetarja Klodiana Lala ka dhënë detaje këtë të martë në lidhje me aksionin e RENEA-s në Shkodër, ku u zhvilluan kontrolle edhe në banesën e Safet Bajrit. E ftuar në emisionin “Open” në News24, Lala u shpreh se zyrtarisht për Safet Bajrin nuk ka një urdhër arresti.
Gazetarja Lala u shpreh se mes personave nën hetim për masakrën e Dobraçit ku u vra Hamza Lici, Arlind Bushati dhe dy persona të pafajshëm është edhe njeriu i Ervis Martinajt, Elio Hato, i cili sipas gazetares Lala dyshohet se ka mbetur i plagosur gjatë atentatit.
Lala shtoi gjithashtu se në kuadër të këtij hetimi prokuroria është vënë në ndjekje të disa provave që nuk i deshifrojmë dot sepse janë veprime shumë të mbyllura.
“Zyrtarisht për Safet Bajrin nuk ka urdhër arresti, është kërkuar kontroll në banesën e tij dhe shoqërimi për veprime hetimore. Ajo që di të them është që pjesëtarë të grupit kriminal Bajri dhe grupi i Izmir Sakicës, Asmer Bilalit apo Elio Hato janë zyrtarisht persona nën hetim për masakrën e Dobraçit. Elio Hato dyshohet se mund të ketë mbetur i plagosur gjatë ngjarjes së Dobracit.
Sa i takon Safet Bajirt, pavarësisht kontrolleve ai nuk është gjetur, mbetet si do të veprojë prokuroria. Është një vendim që po mbahet top sekret. Është firmosur nga gjyqtari Erion Cela. Safet Bajri dhe pjesëtarë të tjerë të grupit, përfshirë grupin e Izmir Sakicës, përfshirë edhe Elio Haton, ky është personazh i njohur i plagosur në zonën e ish bllokut dhe konsiderohej si njeri i afërt i Ervis Martinajt dhe Asmer Bilali që ndodhen në burgun e Recit po hetohen për masakrën e Dobracit. Në kuadër të këtij hetimi prokuroria është vënë në ndjekje të disa provave që ne nuk i deshifrojmë dot sepse janë veprime shumë të mbyllura. Në kuadër të këtij hetimi është urdhëruar të shoqërohet Safet Bajir, se çfarë kërkonte Prokuroria prej tij kjo mbetet për tu sqaruar sepse nuk i gjet në shtëpi. Por nuk ka një urdhër arresti për të.
Ndërkohë i është i komunikuar masa e sigurisë arrest me burg për krijim të kushteve për të kryer vrasje dhe grup i strukturuar kriminal Izmir Sakicës dhe Samuel Troshani. Por ky urdhër arresti është për ngjarjen e 23 gushtit 2024. Ndërkohë është firmosur urdhër arrest edhe për dy persona të tjerë, por aksioni i ndërmarrë nga RENEA nuk ka bërë të mundur arrestimin e tyre”, tha Lala.
