Manchester City është klubi që pritet të përfitojë më shumë nga Programi i Përfitimeve për Klubet i FIFA-s p...
AKTUALITET
Ambasada Amerikane: Gazetarët janë sytë dhe veshët e popullit – ndërkohë në Tiranë, heshtje për dhunën ndaj Edon Kuqit
PiranjatPërditësimi i fundit 17 Shtator 2025, 13:54
Në Ditën e Kushtetutës së SHBA-së, Ambasada Amerikane në Tiranë organizoi një takim me gazetarët shqiptarë dhe reporteren politike amerikane, fituese të çmimit Emmy, Lori Geary. Diskutimi u fokusua mbi lirinë e shprehjes dhe rolin e shtypit të lirë në demokraci.
“Ju jeni sytë dhe veshët e popullit,” u tha Geary gazetarëve, duke theksuar se detyra e medias është të vendosë qeverinë përballë përgjegjësisë ndaj vullnetit të qytetarëve. Ambasada shtoi se kjo është një nga bazat më të forta të një shoqërie demokratike.
Por ndërsa SHBA thekson këtë mesazh për rolin jetik të gazetarisë, në Shqipëri ende nuk ka një reagim institucional për rastin e rëndë të dhunës dhe kërcënimeve ndaj gazetarit të Piranjave, Edon Kuqi. Ai u sulmua dhe u kërcënua me fjalë mafioze “të marr peng, të fus në bagazh” gjatë një përballjeje me aksionerin kryesor të Air Albania, Sinan Idrizi, ndërsa kërkonte llogari për largimin nga puna të dy sanitareve të kompanisë që nuk kishin marrë sigurimet shoqërore.
Edhe pse ngjarja u dokumentua dhe pati dëshmitarë të shumtë, Policia dhe Prokuroria nuk kanë ndërmarrë ende veprime konkrete. Heshtja e institucioneve bie ndesh me mesazhin e Geary dhe ambasadës, që theksojnë se liria e medias dhe mbrojtja e gazetarëve janë themeli i demokracisë.
Ky kontrast i fortë ngre një pyetje të madhe: a do të vazhdojë Shqipëria të mbyllë sytë para dhunës ndaj gazetarëve, apo do të marrë seriozisht thirrjen e partnerëve ndërkombëtarë për transparencë dhe përgjegjshmëri?
Postimi i plotë:"Është Dita e Kushtetutës së Shteteve të Bashkuara – e themeluar nga Kongresi në vitin 1956 për të nxitur të gjithë amerikanët të mësojnë më shumë rreth Kushtetutës së tyre! Në prag të kësaj dite, Ambasada e SHBA organizoi një diskutim midis gazetarëve shqiptarë dhe reporteres politike amerikane, fituese të çmimit Emmy, Lori Geary, rreth të drejtës së Amendamentit të Parë për lirinë e shprehjes dhe shtypin e lirë. “Ju jeni sytë dhe veshët e popullit,” u kujtoi Geary gazetarëve përgjegjësinë e medias për të vendosur qeverinë përballë përgjegjësisë ndaj vullnetit të popullit. It’s U.S. Constitution Day - established by Congress in 1956 to encourage all Americans to learn more about their Constitution! Leading up to this occasion, the U.S. Embassy hosted a discussion among Albanian journalists with Emmy award-winning American political reporter Lori Geary about the First Amendment right to freedom of expression and free press. “You are the eyes and ears of the people,” Geary reminded the journalists about the responsibility of the media to hold government accountable to the will of the people." shkruan Ambasada e SHBA
