Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
AKTUALITET
Anëtar i një grupi kriminal/ Pas deportimit rihyri në Britani, 33-vjeçari shqiptar dënohet me 12 vjet burg për trafik droge dhe pastrim parash (EMRI)
r.llPërditësimi i fundit 30 Qershor 2024, 19:25
bujar cozminca
BRITANI- Një anëtar i një grupi të krimit të organizuar shqiptar është burgosur për herë të dytë në Britani për trafik të drogës të klasit A. Bujar Cozminca, 33 vjeç, trafikoi 100 kilogramë kokainë, vlera e të cilës kur u ble ishte 3.5 milion £ dhe parashikohej të shitej me vlerën 8 milionë £.
Cozminca u arrestua në maj të vitit 2021, ku në dy pronat, në Islington dhe Wembley, që ai përdorte për pazaret e drogës iu gjetën 300,000 £ në para. Agjentët e hetimit zbuluan gjithashtu disa regjistra që tregonin pazare droge që kapin shumën e gati 2 milionë paund. Cozminca pranoi përfshirjen e tij në trafikun e kokainës dhe veprimtarinë e pastrimit të parave. Pas kësaj, Gjykata e Kurorës Snaresbrook, e dënoi të premten (28 qershor 2024), me 12 vjet burg.
Emri i tij, shkruajnë mediat britanike, ishte tashmë i njohur për oficerët e zbatimi të ligjit në Mbretërinë e Bashkuar. Në vitin 2012, ai u dënua me 21 muaj burg për trafik droge dhe u deportua në Shqipëri, por më pas rihyri ilegalisht në Mbretërinë e Bashkuar.
Në vitin 2020, hetuesit, hetuesit siguruan komunikime të tij në aplikacionin e koduar EncroChat, ku u zbulua se Cozminca trafikonte shumë kilogramë kokainë në të gjithë Mbretërinë e Bashkuar dhe pastronte qindra mijëra paund para kriminale në javë. Grupi i krimit të organizuar, në të cilin ai ishte pjesë kishte lidhje të gjera ndërkombëtare dhe Cozminca ishte në gjendje të operonte gjatë gjithë bllokimit të Covid -19 të vendit dhe më gjerë.
Oficerët në Britani gjithashtu po vazhdojnë të hetojnë anëtarët e tjerë të të njëjti grup kriminal. Andrew Tickner, oficer i lartë hetues i OCP, tha: Cozminca është një anëtar i një grupi shqiptar të krimit të organizuar që besonte se mund të vepronte pa u ndëshkuar. Falë përpjekjeve të bashkërenduara dhe punës së aftë nga oficerët e NCA-së dhe Shërbimit Policor Metropolitane, provat thelbësore të marra nga EncroChat e bënë të qartë shkallën e kriminalitetit të tij, duke i lënë atij zgjidhje tjetër veçse të pranojë fajin. Ne jemi të vendosur të ndjekim individë si Cozminca që mendojnë se janë mbi ligjin dhe ne do të vazhdojmë të punojmë me partnerët tanë për t'i sjellë ata para drejtësisë.”
