Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Më datë 22.07.2026, rreth orës 08:25, në varrezat e fshatit Morinë është gjetur pa shenja jete shtetasi Sh. H., 35 vje&cced...
AKTUALITET
Antimafia Italiane jep alarmin: Mafia shqiptare tani ndërvepron direkt me kartelet e mëdha të Amerikës Latine
PiranjatPërditësimi i fundit 12 Dhjetor 2025, 09:51
Në vitin 2025, operacionet e Drejtorisë Hetimore të Antimafia (DIA) së Barit çuan në konfiskime përfundimtare në të gjithë Puglian me vlerë mbi 30 milionë euro.
Të dhënat u bënë të ditura nga shefi i qendrës së DIA-s së Barit, kolonel Giulio Leo, me rastin e prezantimit të kalendarit 2026, i dedikuar “fytyrave femërore të antimafias”, ku ka dhënë kontributin e saj edhe gazetarja investigative puglieze, Marilù Mastrogiovanni.
Shefi i DIA-s bëri një bilanc të aktivitetit hetimor, duke konfirmuar “disa shqetësime në territorin e Foggias” dhe “kontrolle të imëta” mbi përdorimin e fondeve të PNRR-së, duke siguruar se në këtë drejtim “nuk ka emergjencë, shteti është prezent dhe arrin të garantojë përdorimin e duhur të këtyre burimeve”.
Koloneli Leo shpjegoi më tej se u kanë dhënë hapësirë edhe gazetareve në faqet e kalendarit institucional, sepse “me punën e tyre u japin zë atyre që nuk kanë, më të dobëtëve dhe atyre që e ndjejnë më fort praninë e krimit të organizuar”.
“Një kriminalitet që po bëhet gjithnjë e më i fuqishëm në mënyrat e veta të operimit – shpjegoi ai – ka sot edhe më shumë nevojë për një rrjet bashkëpunimi që mbështetet te qytetari, te gratë, te ata që duan të ndryshojnë jetë dhe të hapin një faqe të re. Ka nëna, motra, situata në të cilat kërkohet t’u jepet një mundësi e re familjeve të tyre, të dërgohen mesazhe që i shkëpusin me të kaluarën, me një kriminalitet që mbyt dhe frikëson”.
Duke folur sërish për aktivitetin hetimor, Leo tha se “kriminaliteti, natyrisht, zgjerohet aty ku ka ekonomi, ku ka para, së fundmi edhe aty ku ka turizëm. Disa shqetësime më të mëdha mbeten në provincën e Foggias, por për këtë po punojmë”. “Ka edhe një vëmendje të posaçme ndaj krimit të organizuar shqiptar, i cili tashmë arrin të ndërveprojë direkt me kartelet e mëdha të Amerikës së Jugut dhe paraqitet si furnizues i klaneve tona vendase”.
