Në orët e para të mëngjesit, forcat e Komisariatit të Policisë Krujë, të mbështetura edhe nga efektivë nga T...
AKTUALITET
"Zhurmë për të hequr vëmëndjen nga mega skandalet"/ Arben Ahmetaj: Nuk ka kërkesë të re për ekstradim, lajmi i sotëm është i rremë
PiranjatPërditësimi i fundit 17 Nëntor 2025, 15:24
Arben Ahmetaj ka mohuar kategorikisht lajmet e qarkulluara sot që pretendojnë se Ministria e Drejtësisë ka dorëzuar një kërkesë të re për ekstradimin e tij. Në një reagim të publikuar në rrjete sociale, ai e quan lajmin “të rremë” dhe jep disa sqarime të detajuara mbi çështjen.
“Kërkesa për ekstradim është bërë vetëm një herë, në gusht 2023”
Sipas Ahmetajt, procedura ligjore parashikon vetëm një kërkesë zyrtare për ekstradim, e cila — sipas tij — është dërguar me urgjencë më 18 gusht 2023. “Ligji e përcakton që bëhet vetëm një kërkesë. Dhe sikur të kishte një të dytë, do të ishte vetëm vazhdim i tymnajës,” shkruan ai. Ahmetaj i referohet edhe çështjes së “pseudo-transfertës”, e cila, sipas tij, është hetuar prej më shumë se një viti. Ai thekson se nuk ka pasur asnjë lëvizje fondesh midis tij dhe personave të tjerë, përfshirë biznesmenë të përmendur në media.
Reagimi i plotë:
Një qëndrim përsa i përket lajmit të sotëm të rremë që Ministria e Drejtësisë paska dorëzuar një kërkesë të re për ekstradim, dua të sqaroj sa vijon:
1. Kërkesa për ekstradim ka mbi dy vjet që është bërë me urgjencë në 18 Gusht të vitit 2023. Ligji e përcakton që bëhet vetëm një kërkesë. Dhe sikur të kishte do të ishte në vazhdën e tymnajës…
2. Pseudo-transferta ka mbi një vit që hetohet dhe prokurori e di mirë që nuk ka asnjë transfertë midis meje dhe kujtdo tjetër, e aq më tepër biznesmenëve apo biznesmenit në fjalë. Le të ngelet si sfidë!!! Shume shpejt “përkthehet” letër-porosia.
3. Pse bëhet zhurma e iniciuar me qëllim nga regjimi??? E thjeshtë fare! Të hiqet vëmendja nga mega skandalet e fundit dhe nga bashkëpunimi me krimin e organizuar dhe kartelet e drogës.
