Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
AKTUALITET
Arratisja e Altin Ndocit nga spitali i Durrësit, zbardhet dosja hetimore: Shkelje të rënda procedurash
PiranjatPërditësimi i fundit 19 Janar 2026, 16:42
Dalin në dritë pjesë nga dosja hetimore e arratisjes së të paraburgosurit Altin Ndoci nga Spitali Rajonal i Durrësit, ngjarje e cila ndodhi më 13 janar 2026, ka çuar në nisjen e një procedimi penal ndaj disa punonjësve të Policisë së Burgjeve dhe stafit shëndetësor të IEVP Durrës.
“Prokuroria pranë Gjykatës së Shkallës së Parë Durrës ka regjistruar më 14.01.2026 procedimin penal nr. 113/2026 për veprën penale “Shpërdorimi i detyrës”, e kryer në bashkëpunim, të parashikuar nga nenet 248 dhe 25 të Kodit Penal”, thuhet në dosjen hetimore.
Hetimi ka nisur mbi bazën e materialeve të referuara nga Shërbimi i Kontrollit të Brendshëm në Sistemin e Burgjeve, pas arratisjes së Ndocit nga ambientet e spitalit.
Ndërkohë sot Gjykata e Durrësit ka vendosur masën e sigurisë “arrest me burg” për ish-drejtorin e IEVP Durrës, Indrit Cërloji, i akuzuar për veprën penale “shpërdorim detyre”, të kryer në bashkëpunim. Po ashtu, gjykata ka caktuar masën e sigurisë “arrest në shtëpi” për mjeken Ylvete Sema, e akuzuar gjithashtu për “shpërdorim detyre”, pasi dyshohet se ka hartuar dhe miratuar dokumentacionin për vizitën mjekësore pa kryer më parë ekzaminimin e të paraburgosurit.
Të shtunën e kaluar, Gjykata e Durrësit vendosi masat e sigurisë edhe për tetë ish-punonjës të Policisë së Burgjeve, të përfshirë në shoqërimin dhe mbikëqyrjen e Altin Ndocit, mes tyre punonjës të Policisë së Burgjeve, staf shëndetësor dhe personel përgjegjës për shoqërimin dhe informacionin.
Tre prej tyre u lanë në masën “arrest me burg”, ndërsa për të tjerët u caktuan masa më të lehta, si “arrest në shtëpi” dhe “detyrim paraqitjeje”. Të ndaluarit janë Aulon Çuku, Aranit Çela, Destemon Pazaj, Dorjan Saraçi, Fation Baçi, Preg Marvataj, Sali Ferrollari dhe Violeta Uka.
Ngjarja e cila ndodhi më 13 janar 2026, ka çuar në nisjen e një procedimi penal ndaj disa punonjësve të Policisë së Burgjeve dhe stafit shëndetësor të IEVP Durrës.
“Prokuroria pranë Gjykatës së Shkallës së Parë Durrës ka regjistruar më 14.01.2026 procedimin penal nr. 113/2026 për veprën penale “Shpërdorimi i detyrës”, e kryer në bashkëpunim, të parashikuar nga nenet 248 dhe 25 të Kodit Penal”, thuhet në dosjen hetimore të siguruar nga A2 CNN.
Altin Ndoci ndodhej në paraburgimin e Durrësit që prej vitit 2020 për vepra penale të rënda, përfshirë vrasje në rrethana cilësuese dhe organizatë kriminale. Ai u dërgua për vizitë mjekësore, por procedura është kryer në kundërshtim me ligjin. Sipas dosjes, rekomandimi mjekësor është hartuar pa vizitë paraprake, ndërsa urdhri i shoqërimit është miratuar pa verifikimet e përkatëse. Në shoqërim janë angazhuar më pak punonjës policie sesa parashikon rregullorja.
Gjatë shoqërimit në spital, i paraburgosuri është lënë pa pranga dhe nën mbikëqyrje të pamjaftueshme. Në momentin që është nxjerrë nga dhoma e izolimit për në tualet, Altin Ndoci ka goditur punonjësit e policisë dhe është larguar me vrap nga ambientet e spitalit, duke arritur të arratiset pavarësisht një të shtënë paralajmëruese.
Në lidhje me këtë ngjarje janë ndaluar tetë persona, mes tyre punonjës të Policisë së Burgjeve dhe staf shëndetësor i IEVP Durrës. Dosja evidenton shkelje të rënda të ligjit dhe rregulloreve për shoqërimin e të paraburgosurve, si dhe dyshime për mungesë kontrolli dhe mbikëqyrjeje nga drejtuesit e institucionit.
Ndërsa hetimet për këtë çështje vijojnë, autoritetet janë në kërkim të Altin Ndocit, i cili prej 13 janarit ndodhet në arrati.
