“New York Times” i ka kushtuar një artikull protestës së të shtunës në Tiranë, ku studentët protestuan s&e...
AKTUALITET
Vrasja e biznesmenit Mondi Mëhalla/ Gjykata e Apelit cakton masën e sigurisë për ish-ortakun e tij
PiranjatPërditësimi i fundit 19 Janar 2026, 16:03
Gjykata e Apelit në Tiranë ka lënë në masën e sigurisë arrest me burg, Xhino Agon. Kjo duke lënë në fuqi vendimin e 5 dhjetorit të Gjykatës së Shkallës së Parë të Juridiksionit të përgjithshëm Elbasan. Ago dyshohet si bashkëpunëtor në vrasjen e Mondi Mëhallës.
Sipas burimeve, Apeli ka ndryshuar vetëm një pikë të vendimit. Gjykata e ka shpallur të paligjshëm arrestimin në flagrancë të Xhino Agos. Kjo me argumentin se ai nuk është prangosur në kushtet e flagrancës.
Si ndodhi ngjarja?
Mbrëmjen e së dielës (30 Nëntor), biznesmeni Edmond Hyka alias Mondi Mëhalla u ekzekutua brenda mjetit të tij tip Range Rover. Trupi i pajetë i 43-vjeçarit u gjet brenda makinës rreth orës 20:35, në lagjen “Emin Matraxhiu” të qytetit të Elbasanit. Viktima sapo kishte dalë nga zyra, në afërsi të së cilës ndodhen bizneset dhe shtëpia e nënës së tij.
Në momentin kur është futur në makinë, është qëlluar me armë zjarri dhe ka marrë tre plumba, dy prej të cilëve në kokë, duke i shkaktuar vdekjen e menjëhershme. Më pas në vendngjarje mbërritën shërbimet e Policisë, të cilat kanë ngritur pika kontrolli në të gjitha daljet e qytetit, ndërsa janë bërë kontrolle në zonë dhe në ambiente të ndryshme për kapjen e autorëve.
Gjithashtu automjeti i përdorur nga ekzekutuesit dyshohet të ketë qenë një Audi me ngjyrë të zezë, i cili është larguar me shpejtësi në drejtim të aksit rrugor Elbasan–Librazhd.
Atentatorët pasi janë siguruar se 43-vjeçari ndërroi jetë larguar me Audin e zi në drejtim të aksit Elbasan-Librazhd. Policia ndërkohë njoftoi se një grup i posaçëm hetimor, nën drejtimin e Prokurorisë, ka nisur punën për zbardhjen e rrethanave të krimit dhe dokumentimin e plotë të ngjarjes.
