Arrestimi i Noizyt dhe Dj të tij, policia: Kapja e tyre u bë me qëllim ekstradimin në Kosovë

Foto ilustruese

LEZHË- Polica ka dalë më një njoftim zyrtar në lidhje me arrestimin e reperit, Noizy dhe Dj të tij. Në njoftim policia bën me dje se arrestimi i reperit ka ardhur pasi ai ishte shpallur në kërkim nga autoritet në Kosovë. 

Më tej bëhet me dije se ata u arrestuan nga njësia "Fast Albania" ndërsa u vendosën në pranga me qëllim ekstradimin e tyre drejt Kosovës. 

Njoftimi i policise;

Policia e Shtetit/ Finalizohet operacioni policor i koduar "Fast". Kapen nga Fast Albania dhe vihen në pranga 2 shtetas të kërkuar nga Policia e Kosovës. Në vijim të operacioneve të njëpasnjëshme për kapjen e shtetasve të shpallur në kërkim, nga Drejtoria e Forcës së Posaçame Operacionale, Sektori për Kërkimin, Njësia "FAST Albania" në Departamentin e Policisë Kriminale në PSH, është marrë informacion nga FAST Kosova, për 2 shtetas të kërkuar për llogari të Kosovës, që mund të fshiheshin në Shqipëri.

Menjëherë, FAST Albania, bazuar në inteligjencën policore, bëri të mundur lokalizimin e 2 të kërkuarve, dhe në kuadër të operacionit policor "Fast", kapi në Lezhë dhe arrestoi 2 shtetasit e shpallur në kërkim nga Policia e Kosovës, konkretisht shtetasin R. R., nga Durrësi, dhe shtetasin B. B., nga Prishtina. Kapja dhe arrestimi i tyre u bënë me qëllim ekstradimin në Kosovë.

Policia e Kosovës konfirmoi dje shpalljen në kërkim të reperit Noizy dhe mikut të tij Bahtjar Bajraktari. Noizy ishte paralajmëruar se mund të arrestohet nga policia nëse do të paraqitej në diskotekën e njohur të Gjilanit. Noizy akuzohet se ka ushtruar dhunë ndaj personazhit të njohur të TikTokut Medi Iseni.

Ngjarja ndodhi më 2 gusht të këtij viti në një lokal në Pejë, dhe Medi Iseni akuzoi Noizyn dhe Stresin se ishin ata të cilët e dhunuan dhe e futën në kurth. Tiktokeri mohon të ketë pasur ndonjë problem personal me Noizyn. Më tej akuzat vijojnë për prerje në besë ndaj Stresit. Sipas të dhunuarit ka qenë Stresi ai i cili e kishte ftuar për ta takuar, por ndërkohë ishte një “kurth”, për ta vendosur në të njëjtin ambient me Noizyn dhe grupin e tij.

policia noizy arrestim