Policia e Tiranës ka intensifikuar kontrollet ndaj automjeteve luksoze që qarkullojnë në kryeqytet sot në 6 shtator.
Në fokus t...
AKTUALITET
Denoncimi i PD/ “Njerëzit e Ramës nuk preken”, Muçollari: Përgjegjësit e trafikut të mbetjeve të rrezikshme nuk u ndëshkuan, por u promovuan
PiranjatPërditësimi i fundit 4 Shkurt 2026, 13:04
Partia Demokratike deklaron se për trafikun e paligjshëm të mbetjeve të rrezikshme, një krim mjedisor i përmasave të mëdha, nuk ka asnjë përgjegjësi politike.
Anëtari i Kryesisë së PD, Grigels Muçollari u shpreh se përgjegjësit e këtij skandali jo vetëm që nuk u ndëshkuan, por u promovuan.
“Mesazhi u dha qartë edhe një herë: njerëzit e Edi Ramës nuk preken. Ashtu siç po mbrohen edhe sot figura të tjera të përfshira në afera të rënda. Edhe pse të lidhur drejtpërdrejt me trafikun e paligjshëm të mbetjeve të rrezikshme, përgjegjësit jo vetëm që nuk u ndëshkuan, por u promovuan. Kumbaron e 2800 tonëve të mbetjeve të rrezikshme e dërguan të ‘edukojë’ fëmijët tanë. Vengun e 108 kontejnerëve të rrezikshëm e caktuan të ‘mbrojë’ gjithë atdheun”, shprehet Muçollari.
Deklarata
Aksioni i prokurorisë kundër trafikut të paligjshëm të mbetjeve të rrezikshme provoi një fakt të thjeshtë: për këtë krim të rëndë mjedisor nuk ka asnjë përgjegjësi politike. Ministrja e Mjedisit nuk mban përgjegjësi. Drejtori i Portit të Durrësit nuk mban përgjegjësi.
Siç e kemi paralajmëruar nga kjo Foltore, por edhe në terren, Prokuroria e Durrësit amnistoi Mirela Kumbaron dhe Pirro Vengun për krimin më të madh mjedisor të regjistruar në vend.
Kemi parë shfaqjet publike të Kumbaros si ministre, duke ndjekur qytetarët dhe duke i fyer për një qese mbeturinash. Ndërkohë, nën përgjegjësinë e saj, 2800 tonë mbetje të rrezikshme u ngarkuan në Elbasan, u transportuan në Durrës dhe u nisën drejt Tajlandës.
Kemi parë po ashtu shfaqjet e Pirro Vengut si Drejtor i Portit të Durrësit, me deklarata për forcimin e sigurisë dhe kontrolleve, në bashkëpunim me policinë dhe doganat. Mburrje dhe propaganda boshe.
Në realitet, nën drejtimin e tij, 2800 tonë mbetje të rrezikshme, të shpërndara në 108 kontejnerë, u ngarkuan pa asnjë pengesë dhe u nisën drejt Tajlandës. Dhe kjo nuk ishte ngarkesa e parë. Ishin disa të tilla. Rreth 50 mijë tonë mbetje do të kishin ndjekur të njëjtin itinerar, po të mos ishte ndërhyrja e autoriteteve të vendeve të tjera dhe Rrjeti i Bazelit.
Prokuroria e Durrësit mori më shumë se një vit hetim dhe arriti në një përfundim të paracaktuar: fajtorë janë disa specialistë dhe disa drejtorë të nivelit të mesëm. Ky është një krim i dytë, edhe më i rëndë se ai mjedisor: krimi i pandëshkueshmërisë.
Mesazhi u dha qartë edhe një herë: njerëzit e Edi Ramës nuk preken. Ashtu siç po mbrohen edhe sot figura të tjera të përfshira në afera të rënda.
Edhe pse të lidhur drejtpërdrejt me trafikun e paligjshëm të mbetjeve të rrezikshme, përgjegjësit jo vetëm që nuk u ndëshkuan, por u promovuan. Kumbaron e 2800 tonëve të mbetjeve të rrezikshme e dërguan të ‘edukojë’ fëmijët tanë. Vengun e 108 kontejnerëve të rrezikshëm e caktuan të ‘mbrojë’ gjithë atdheun.
Kjo ndodh kur përgjegjësia, si hallkë morale e shoqërisë, nuk ekziston më për qeverinë.
Në këto kushte, reagimi nuk është zgjedhje. Është detyrim.
Të bashkohemi më 10 shkurt, ora 17.00 te Kryeministria, ku mbrohen dhe frymëzohen të gjitha mbetjet e rrezikshme, mjedisore, politike dhe shoqërore.
Duhet ndalur këta banditë të cilët nuk ndalen para asgjëje!
