Kreu i Partisë Demokratike, Sali Berisha, në një dalje për mediat pas mbledhjes së grupit parlamentar demokrat, ka sulmuar qeverin&eu...
AKTUALITET
Dizenjuar për aeroporte e resorte, pandemia i nxori në rrugë: monopatinat ‘kamikaze"
PiranjatPërditësimi i fundit 15 Shtator 2025, 12:18
Monopatinat elektrike po bëhen një sfidë e re për sigurinë në rrugët e Shqipërisë. Eksperti i sigurisë rrugore, Fatmir Hasho, në “Aldo Morning Show” në Tv Klan, thotë se këto mjete janë krijuar për të lëvizur në vende të mbyllura si aeroporte apo ambiente të mëdha, jo për rrugët e zakonshme.
Gjatë pandemisë, monopatinat u përdorën më shumë për lëvizje të shpejtë, por tani po shkaktojnë aksidente, pasi shpejtësia e tyre arrin deri në 85 km/orë dhe nuk ka rregulla që t’i kontrollojnë.
Kjo situatë e ka bërë përdorimin e monopatinave të rrezikshëm, duke krijuar një problem që kërkon zgjidhje të menjëhershme.
“E para nuk është një mjet që është ristrukturuar për ecur në rrugë, ai është krijuar që në fillimet e veta për të ndihmuar shpejtësinë e lëvizjes në ambiente të hapura, firma të mëdha ose aeroporte. Është prodhuar për këtë lloj qëllimi. Në kohën e pandemisë ngaqë u bllokuan shumë gjëra, u gjet si metodë për të qarkulluar më shpejt.
Problemi i gjithë këtyre është jemi përballë një situate shumë të keqe që nuk është vetëm në Shqipëri, është në gjithë botën, nuk e dimë se ku duhet që të lëvizim dhe personat që e përdorin janë apo nuk janë të përgatitur. Janë prodhuar monopatinë që arrijnë shpejtësinë 85 kilometra për orë lëvizje. Ky mjet hyri dhunshëm në qarkullim dhe problematika e këtij është se nuk ka ligje dhe rregulla ku duhet të ecë”, tha eksperti i sigurisë rrugore.
Monopatinat elektrike janë kthyer në burim aksidenti, jo vetëm për Shqipërinë, por edhe për shumë vende të botës. Mjafton të kujtojmë të kujtojmë aksidentin që ndodhi në qershor të këtij viti, në bulevardin ‘Dëshmorët e Kombit’ në Tiranë, ku një automjet u aksidentua me dy monopatina, me të cilat lëviznin 3 të mitur të moshave 9, 11 dhe 12 vjeç.
