Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Do ketë reshje ekstreme, meteorologia tregon zonat më të rrezikuara dhe sa do të zgjasin ditët me shi
PiranjatPërditësimi i fundit 10 Nëntor 2025, 10:15
Meteorologia Lajda Porja bëri parashikimin e motit për këtë javë, ku theksoi se edhe ditën e sotme do të ketë vijim të reshjeve.
Sipas saj, sot do të kemi ndërprerje të vazhdueshme të reshjeve, por pjesa e dytë e ditës do të sjellë zhvillim të vranësirave.
“Reshjet kryesisht do të jenë të fokusuara në zonat veriore, por do të përfshijnë edhe atë qëndrore, përfshirë edhe kryeqytetin. Qarku i Jugut, pra qarku i Vlorës, do të jetë qarku që do të marrë më shumë reshje, kryesisht gjatë mesnatës”, u shpreh Porja për Euronews Albania. Ndërkohë, të martën do të ketë reshje nga ora 3-4 e mëngjesit deri në orën 6-7.
“Në këto interval oraresh do të ndihen më së shumti reshjet për të martën, ku më shumë do të jenë të fokusuara në jug dhe juglindje të vendit. Duke nisur nga dita e së martës dhe në vijim do të kemi përmirësim të kushteve të motit, duke na rikthyer diellin për disa ditë me radhë”, tha Porja.
Sipas saj, 10-ditëshi i dytë i nëntorit do të jetë me mot të qëndrueshëm, duke nisur nga nesër në mesditë.
“Sot temperatura ka pasur rënie, ku sot kanë qenë me maksimle në 20 gradë Celsius. Nga dita e mërkurë do të kemi rritje. Ndërkohë, një fenomen ekstrem shiu do të jetë 10-ditëshin e fundit të nëntorit, ku do të jenë me intensitete të larta. Pra, muaji nëntor pritet të jetë në mbizotërimin e reshjeve”, shtoi Porja.
Ndërkohë, moti do të përmirësohet nga dita e martë deri në fundjavë.
