Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
AKTUALITET
“Çdo klan ka një idiot”/ GJKKO dënon kreun e grupit që mbushi me drogë Lionin. Ja sa vite burg do vuaj Redian Doda
PiranjatPërditësimi i fundit 11 Dhjetor 2025, 17:31
GJKKO ka ndryshuar akuzën për Redian Doda alias Refik Doda, duke e dënuar atë me 8 vite burg, ndërsa për shkak të gjykimit të shkurtuar dënimi i zbret me 5.4 vite.
Nga hetimet e autoriteteve franceze të drejtësisë janë administruar prova mbi bazën e të cilave ka rezultuar se gjatë periudhës gusht-dhjetor të vitit 2022, autoritetet franceze të drejtësisë kanë filluar një hetim në qarkun e Albertville (73), lidhur me veprimet e një grupi të organizuar kriminal, i cili është marrë me trafikun e drogës. Kjo strukturë ishte e vendosur në qarkun e Lionit dhe furnizonte grupet e shitjes që ndodheshin në qarkun e Savojës (73) dhe Savojës së sipërme (74)
Nga hetimet e përbashkëta është bërë e mundur identifikimi dhe procedimi në Francë dhe në Shqipëri i 19 personave (shtetas shqiptarë dhe të huaj), të cilët ishin të përfshirë në aktivitetin e paligjshëm kriminal në fushën e narkotikëve.
Bazuar në hetimet e kryera janë identifikuar si drejtues të pandehurit Redian (alias Refik) Doda, Zabit (alias Artur) Fisniku, ndërsa i pandehuri Fabi Isaku, dhe bashkëpunëtorët e tjerë të proceduar dhe gjykuar në Francë kanë patur rolin e ndihmësve.
Në një nga bisedat e përgjuara mes të pandehurit Fabi Isaku dhe një personi të panjohur, Isaku shprehet: “Çdo klan ka një idiot, për ne është Aleksi.” Fabi Isaku shpjegon se Aleksi është përdorues shumë i madh i lëndëve narkotike.
“Ai i ka dhënë mall me cilësi të mirë, mes 3 dhe 4 gramëve një mëngjes rreth orës 6. Aleksi i ka konsumuar të gjitha deri në mesditë,” dëgjohet të thotë ai. Ai flet edhe për paratë që transportohen në Shqipëri. “Kur çoj paratë në Shqipëri i vendos në një kuti për pizza dhe i vë dorën sipër dhe vë tiktok,” dëgjohet të thotë ai.
Redian alias Refik Doda përgjohet teksa e këshillon Isakun që nëse ka dyshimin më të vogël, duhet ta marrë në telefon. Në një nga episodet Fabi Isaku shkon në kufirin zvicerian, merr 2500 euro. Ai – thuhet në dosje – i dorëzon 100 flamurë dhe 350 bojë. Klienti ankohet se donte më pak produkt për përzierje.
