Presidenti i Federatës Palestineze të Futbollit, Jibril Rajoub, ka deklaruar se nuk ka marrë vizë për të hyrë në Shtet...
AKTUALITET
Dosja e Ballukut për grabitjen te Unaza e Madhe tregon se si kriteret vendosen me porosi të kompanive fituese. Ja disa shembuj
PiranjatPërditësimi i fundit 24 Dhjetor 2025, 20:35
Çfarë kanë parë e dëgjuar deri tani shqiptarët nga dosja “Balluku” është vetëm maja e asjbergut për nga mënyra se si janë plaçkitur shqiptarët nga Edi Rama dhe numri dy i qeverisë së tij, të cilën po përpiqet ta mbrojë me thonj për të shpëtuar veten.
Në një pjesë të dosjes prej rreth 16-mijë faqesh të Ballukut, të cilën e disponon Syri vihet re se si është përdorur një investim publik si Unaza e Madhe e Tiranës për majmjen e klientëve të qeverisë Rama.
Në dosjen e SPAK për Ballukun tashmë, ka një denoncim në SPAK, të inicuar nga një pjesëmarrës në garë, ku denoncon me detaje të gjitha ato shkelje që konsiderohen si favorizime, apo dhënie paradhënie të tenderit për 7 kompani të lidhura me qeverinë.
Në mënyrë perfide, kriteret e vlerësimit për tenderin janë hartuar lot për lot, për Unazën e Madhe, për t'ju dhënë në mënyrë nominale kompanive që plotësojnë kriteret krejt apriori.
Doni fakte?!
Ja si janë vendosur kriteret e vlerësimit me pike:
Për shembull: 25 pikë merren me vlerësim subjektiv pa përcaktuar formulën e pikëzimit në mënyrë të qartë, ndërkaq me 50 pikë është përcaktuar vlerësimi për ofertën ekonomike, kur ligii këtë aspekt, pra ofertën ekonomike e vlerëson me 70%.
Lotet e ndara nga 1, 2, 3, 4, 5, 6 dhe 7, jane segmente me të njëjtën natyrë pune dhe pothuajse me të njëjtën vlerë, pasi böhet fjalë thuajse për një ndarje simetrike të punëve publike, por qeveria ka vendosur kritere të veçanta për secilin lot.
Ja një shembull tjeter: Tek Loti I është përcaktuar fitues firma Salillari, pasi dhe në kriteret e kualifikimit janë vendosur elemente dhe makineri, të cilat i zotëron kompania Salillari, si p.sh: janë kërkuar makina transporti "Damper", të cilat i ka firma Salillari, pra në mënyrë nominale, ku fare mirë mund të vendoseshin kritere mekanike të një fuqie apo roli të caktuar, pa specifikuar markën e makinerisë.
Një shembull tjetër: Tek Loti 2 i rrugës, firma e parapërcaktuar ështe "4AM". Oeveria ka vendosur kriteret e kualifikimit, që duket i plotëson vetëm kjo kompani.
Më me detaje: Janë vendosur kërkesat për kualifikim të inxhinierëve gjeoteknike si drejtues teknikë, kur kjo kompani e ka në licensë këtë aspekt.
Vendosja e këlij kriteri vetëm për këtë lot nuk ka logjikë fare, pasi ose mund të jetë i përgjithshem kriteri i gjeoteknikeve ose si standard për të gjithë punët publike, e jo të vendoset vetëm për një lot rruge, i cili nga të gjitha kushtet teknike e financiare ka të njejtin volum pune e kushte fizibiliteti simetrike.
Çudia është se ky kusht, pra, gjeotekniket nuk vendosen fare në lotet e tjera, pikërisht sepse këtë kriter e plotëson vetëm kjo kompani. Ndërkaq, në Lotin 3, Sipas kritereve të vendosura eshtë planifikuar për "Alb billding", ose siç quhet rëndom kompania e nipit të Gramoz Ruçit.
Loti 4 është parashikuar për një tjetër kompani që kanë i "qëndisur" kriteret sipas saj; bëhet fjalë për kompaninë "Alba Via"
Ku njëri nga ortaket e kësaj kompanie Hasan Hafizi i ka dhënë garanci ministres Balluku që nuk do të ketë probleme ligjore, pasi është kusheriri i kryetarit (të kohës) të SPAK, Arben Kraja.
Flitet se "Alba Via" u fut në loje pikerisht për këte arsye, duke detyruar bashkimin e kompanive "Alko Impex" dhe "2T'" në lotin 7 Tek Loti 5 është përcaktuar kompania "GPG" e Paqësor Buzit, që mbështetet nga banda e Lushnjes, e cila ka marrë disa tendera te ARRSH me vlerë të plotë. Loti 7 i ishte premtuar kompanisë "Alko Impeks" dhe "2T"
Ndërkaq, Loti 6 është ruajtur për kompanine "Gener2", alias kompania e skandalit të Unazës së Madhe tek Shaiponja. Po kjo kompani po merr në koncesion rrugën Thumanë-Kashar me vlerë marramendëse 450 milione euro me kosto 20 milionë euro për kilometër, një vlerë abuzive e padëgjuar. Rrugë që mund të realizohet me 10 milionë euro për kilometër, pra dy herë më pak se vlera që po ja jepte qeveria shaiptare kësaj kompanie.
Gjithë ky abuzim i madh prej 130 milionë eurosh është me urdhër të ministres Balluku, pasi kjo ministre komandon sistemin drejtues nëpërmjet motrës së saj, e cila eshte kryetare komisioni e Vettingut (gjatë kësaj periudhe), ku bën shantazhimin e gjygtarëve dhe prokurorëve për të mbrojtur abuzimet e saj.
Të gjitha këto të dhëna që ne kemi paraqitur janë te verifikueshme. Tek kriteret e veçanta janë futur edhe numri i punetorëve në varësi të firmes fituese, ku vlerat e loteve janë pothuajse të njëjta.
