Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Drejtim i automjeti në gjendje të dehur dhe përndjekje, përfundojnë në prangat e policisë disa persona në kryeqytet
PiranjatPërditësimi i fundit 19 Tetor 2025, 11:17
Policia e Tiranës ka arrestuar disa persona gjatë 24 orëve të fundit, në kuadër të kontrolleve për zbatimin e rregullave të qarkullimit rrugor dhe rendin publik.
Sipas njoftimit zyrtar, disa drejtues mjetesh janë vënë në pranga pasi janë kapur duke drejtuar automjetin në gjendje të dehur. Një tjetër person është arrestuar pasi ka refuzuar t’i bindet urdhrit të efektivëve për të larguar automjetin e parkuar në mënyrë të parregullt.
Gjithashtu, policia ka vënë në pranga edhe një 62-vjeçar, i cili dyshohet se ka përndjekur një grua 53-vjeçare, duke i shkaktuar asaj shqetësim të vazhdueshëm.
Njoftimi i policisë:
Drejtoria Vendore e Policisë Tiranë
Specialistët për Hetimin e Krimeve të Komisariatit të Policisë Nr. 1 referuan materialet në Prokurori, ku nisi procedimi në gjendje të lirë për shtetasit: -D. D, pasi ditën e djeshme, ka futur disa lëndë piroteknike në stadium; -K. S, për veprën penale “Ndërtim i Paligjshëm” -D. B, pasi për motive të dobëta ka goditur shtetasin A. N.
Specialistët për Hetimin e Krimeve të Komisariatit të Policisë Nr. 3 referuan materialet në Prokurori, ku nisi procedimi në gjendje të lirë për shtetasin E. K, pasi nuk i është bindur urdhërit të punonjësit të policisë për të lëvizur automjetin të cilin e kishte parkuar në mënyrë të parregullt.
Specialistët për Hetimin e Krimeve të Komisariatit të Policisë Nr. 4 arrestuan shtetasin A. Sh., 62 vjeç, pasi dyshohet se përndjekur një 53-vjeçare.
Specialistët për Hetimin e Krimeve të Komisariatit të Policisë Nr. 5 shpallën në kërkim shtetasin N. T., 34 vjeç, pasi për motive të dobëta ka goditur mr grushte shtetasin S. K. Punohet për shoqërimin e tij.
Specialistët e qarkullimit rrugor arrestuan shtetasit A. M., 55 vjeç, A. A., 23 vjeç dhe O. B., 28 vjeç, pasi u kapën duke drejtuar automjetet në gjendje të dehur.
Më datë 18.10.2025, shtetasja E. S, kallëzoi se persona të paidentifikuar i kanë ndërhyrë në rrjetin social të djalit të saj. Punohet për identifikimin e autorit të dyshuar dhe sqarimin e rrethanave të rastit.
Materialet procedurale iu referuan Prokurorisë së Tiranës, për veprime të mëtejshme.
