Kryeministri Edi Rama ka vijuar sulmet ndaj protestuesve që prej javësh janë mbledhur në Tiranë kundër qeverisë së tij...
AKTUALITET
Ekzekutimi i pronarit grek dhe mikut të tij shqiptar, vetëdorëzohet në polici një 30-vjeçar
PiranjatPërditësimi i fundit 18 Dhjetor 2025, 07:31
Një 30-vjeçar është vetëdorëzuar sot në Kallamatë për vrasjen e dyfishtë në Finikounda në fillim të tetorit, ku u ekzekutuan pronari grek i kampingut dhe miku i tij shqiptar.
Sipas protothema.gr, ndaj tij ishte lëshuar një urdhër arresti ndërkombëtar, ndërsa ai akuzohet për bashkëpunim në krim.
Ndërkohë pak ditë më parë, nipi i pronarit 68-vjeçar të kampingut në Finikounda dhe një mik i tij biznesmen nga Athina u arrestuan pas urdhër-arresteve në kuadër të hetimit për vrasjen e dyfishtë. Të dy akuzohen për nxitje të krimit.
Autoritetet ishin në kërkim të 30-vjeçarit, i cili është mik i biznesmenit të arrestuar, pasi dyshohet se është i përfshirë në këtë ngjarje.
Ky është arrestimi i pestë, pasi përveç nipit dhe mikut të tij, janë arrestuar edhe dy persona të tjerë për krimin.
Nipi i viktimës në deklaratat e tij përsëriti se ishte vetëm një dëshmitar, duke mohuar çdo përfshirje.
Ai pretendoi se donte që çështja të sqarohej dhe se kishte bashkëpunuar me autoritetet që nga fillimi, duke përmendur rastësi në atë që i atribuohej.
Nga ana e tij, biznesmeni nga Athina, mik i ngushtë i nipit dhe bashkë-menaxher i kampingut, po ashtu këmbënguli në pafajësinë e tij, duke theksuar se ishte akuzuar padrejtësisht.
