Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
AKTUALITET
EMRI/ Po transportonte me furgon kokainë dhe mallra kontrabandë, arreston 32-vjeçari në Muriqan
E.DPërditësimi i fundit 31 Dhjetor 2024, 09:31
SHKODËR- Një 32-vjeçar është arrestuar në Muriqan pasi u kap duke transportuar me furgon kokainë dhe mallra kontrabandë. Policia bën të ditur se gjatë kontrollit në furgonin që drejtonte Adriatik Rrasa janë gjetur 3.430 kg Kokainë, e ndarë në 3 pako. Gjithashtu janë gjatur edhe 60 shishe me pije alkoolike dhe 1 televizor, që dyshohet se janë të kontrabanduara, pasi nuk ishin të pajisura me fatura blerjeje.
Njoftimi i Policisë:
Finalizohet operacioni policor i koduar “Pakot”. Sekuestrohen në hyrje të vendit, 3.430 kg Kokainë dhe mallra të kontrabanduara. Arrestohet drejtuesi i furgonit me të cilin transportoheshin lënda narkotike dhe mallrat. Si rezultat i intensifikimit të punës dhe kontrolleve në hyrje/dalje të vendit, me objektiva parandalimin dhe goditjen e krimeve kufitare, lëvizjen e sigurtë të shtetasve, si dhe eliminimin e rradhës gjatë kësaj periudhe festive, shërbimet e PKK Muriqan, në bashkëpunim me Seksionin për Hetimin e Narkotikëve të DVP Shkodër, finalizuan operacionin policor të koduar “Pakot”.
Gjatë operacionit u kap në flagrancë dhe u arrestua shtetasi Adriatik Rrasa, 32 vjeç, banues në Lushnjë. Nga kontrolli i kryer në furgonin që drejtonte 32-vjeçari, në hyrje të Shqipërisë, u gjetën 3.430 kg Kokainë, e ndarë në 3 pako. Gjithashtu, u gjetën 60 shishe me pije alkoolike dhe 1 televizor, që dyshohet se janë të kontrabanduara, pasi nuk ishin të pajisura me fatura blerjeje. Lënda narkotike, mallrat, automjeti i të arrestuarit dhe 2 celularë të tij u sekuestruan nga Policia, në cilësinë e provës materiale. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme
