Një qytetare që mori pjesë në protestë ka reaguar ashpër ndaj situatës në vend, duke ngritur shqetësime për ...
AKTUALITET
EMRI/ Qëlloi me armë pronarin në Itali, arrestohet shqiptari, mister shkaqet
PiranjatPërditësimi i fundit 23 Prill 2026, 17:34
Një 50-vjeçar shqiptar, i identifikuar si Dritan Qafa, është arrestuar në Itali pasi akuzohet për tentativë vrasjeje të dyfishtë, posedim të paligjshëm të armës, hyrje pa leje dhe rezistencë ndaj forcave të policisë.
Sipas mediave italiane, Qafa qëlloi me armë zjarri pronarin e tij 75-vjeçar, për arsye ende të paqarta. I moshuari u dërgua me urgjencë në spital në gjendje të rëndë shëndetësore.
Më pas, shqiptari qëlloi dy herë me një armë gjahu të modifikuar ndaj një 63-vjeçareje, punëtore shtëpie në banesë. Gruaja arriti të shpëtojë duke u fshehur pas një dere, megjithatë mbeti e plagosur në krah nga copat e xhamit.
Pas sulmit, 50-vjeçari u mbyll në banesë, duke krijuar panik në zonë. Raportohet se ai kishte qenë i përfshirë edhe më parë në një episod të dhunshëm, ku kishte plagosur me armë një fqinj pas një konflikti.
Pavarësisht përpjekjeve të gjata të negociatorëve për ta bindur të dorëzohej, ndërhyrja e forcave speciale u bë e pashmangshme. Ata përdorën fillimisht një granatë zhurmuese dhe më pas e neutralizuan me taser elektrik, duke bërë të mundur arrestimin e tij.
Aktualisht, Qafa ndodhet në burg, ndërsa marrja në pyetje e tij është shtyrë. Hetuesit synojnë të zbardhin motivet që çuan në këtë akt të dhunshëm, të cilat mbeten ende të paqarta.
