Prokuroria e Fierit ka mbyllur hetimet për 38-vjeçarin Milasim Ramaj, të cilit iu gjet bazë kriminale në Fier me arsenal armës...
AKTUALITET
EMRAT/ Zbardhet ngjarja e rëndë në Shkodër, burri vret me armë gjahu gruan
PiranjatPërditësimi i fundit 9 Korrik 2026, 14:05
Një krim në familje ka ndodhur sot (9 korrik) rreth orës 13:30 në Shkodër, në zonën e unazës perëndimore të qytetit.
Sipas informacioneve paraprake, shtetasi Shtjefën Ziçi, 64 vjeç, dyshohet se ka qëlluar me armë gjahu (çifte) bashkëshorten e tij, Bardhe Ziçi, 54 vjeçe, e cila si pasojë e plagëve të marra ka humbur jetën.
Pas ngjarjes, shërbimet e Policisë kanë vënë në pranga autorin e dyshuar.
Grupi hetimor ndodhet në vendngjarje dhe po punon për zbardhjen e plotë të rrethanave të krimit.
Njoftimi i policisë:
Shkodër / Informacion paraprak
Rreth orës 13:30, në lagjen “Mark Lula”, dyshohet se për motive të dobëta, shtetasi Sh. Z., 62 vjeç, ka vrarë me armë zjarri, bashkëshorten e tij, shtetasen B. Z., rreth 55 vjeçe.
Shërbimet e Policisë kanë shkuar menjëherë në vendngjarje dhe kanë kapur autorin e dyshuar, shtetasin Sh. Z., i cili u shoqërua në Komisariat, për kryerjen e veprimeve procedurale.
Gjithashtu, shërbimet e Policisë kanë sekuestruar armën e zjarrit me të cilën dyshohet se është kryer krimi.
Grupi hetimor, në drejtimin e Prokurorisë, vijon veprimet për zbardhjen dhe dokumentimin e plotë të rrethanave të ngjarjes.
