Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Fevziu nxorri pajisjen që mat nitratin, Anila Denaj: Vetëm laboratorët mund të japin vlerësimin e duhur
I.APërditësimi i fundit 1 Gusht 2024, 11:12
Anila Denaj
TIRANË- Ministrja e Bujqësisë Anila Denaj ka hedhur poshtë pajisjen që gazetari Blendi Fevziu ka nxjerr për të matur nitratin në fruta dhe perime. Në një video të publikuar në rrjetet sociale, Fevziu ka bërë një video ku maste nitratin te frutat dhe doli një shifër alarmante. Denaj ka theksuar se institucioni përgjegjës për analizat laboratorike është ICUF dhe jo pajisjet e tilla që nuk tregojnë shifra të sakta.
"Jam e sigurtë që ka disa pyetje të lidhura si rezultat i disa videove të publikuara së fundmi. Dua të garantoj që institucioni që është përgjegjës për të gjitha analizat laboratorike është ICUV, është institucion shtetëror që është foksuar në akreditimin e testeve laboratorike. Sigurisht që certifikimi i shumë produkteve ndodh edhe nëpërmjet sektorit privat. Në sigurojmë konfidencialitetin e shumë produkteve, por e përdorim këtë informacion për të gjurmuar se në cilën fermë ka produkte që mund të kenë përmbajtje më të tepërt të nitratit në këtë rast.
Duhet të heqim dorë nga produktet që nuk janë të certifikuara. Do i kërkoja të gjithë qytetarëve dhe aktorët që ndihmojnë publikun, që çdo produktin që mund të ketë indikacion të shkojë dhe të certifikohet në ICUF që të gjurmojmë se ku ndodh. Produket shqiptare, në veçanti në zonën e Myzeqesë, nuk kanë në asnjë moment produkte të pacertifikuara nga vetë prodhuesit. Por nuk mund të përjashtojmë situata që mund të kenë përdorim të plehrave jashtë parametrave dhe në frymën e një ligji do të thosha që organikja është një e ardhme, po nuk mund të jetë e gjitha. E rëndësishmja është që të kemi produkte brenda protokollit, vetëm laboratorët janë të duhurit për të dhënë vlerësimin," tha Denaj.
Ministrja bëri me dije gjithashtu se në mbledhjen e sotme të Këshillit të Ministrave u miratua pr.ligji i cili organizon rregullat e qarta për produktet organike të prodhuara në Shqipëri të cilat po përgatiten dhe do hidhen në tregun shqiptar sipas standardeve të BE-së.
"Miratuam pr.ligjin i cili organizon rregullat e qarta për produktet organike të prodhuara në Shqipëri të cilat po përgatiten dhe do hidhen në tregun shqiptar sipas standardeve të BE-së. Në këtë pr.ligj rregullohen parimet për certifikimin e operatorëve organikë që do prodhojnë produkte organike; përdoruesin e treguesve që i referohen prodhimit organik me etiketën dhe reklamimin; rregullat e kontrollit zyrtar në çdo fazë. Në këtë pr.ligj janë përcaktuar autoritetet përkatëse të cilat do të kenë kontrollin zyrtar në çdo hallkë të zinxhirit të prodhimit organik.
Ligji siguron miratimin e listës së produkteve për mbrojtjen e bimëve dhe produkteve plehëruese dhe publikimin e listës sipas standardeve të transparencës. Ligji parashikon ngritjen e një sistemi elektronik i cili do menaxhohet në ministrinë tonë dhe mundësojnë vetë deklarimin e të dhënave për gjendjen në treg të inputeve të fermës. Miratimi i këtij ligji fillon zbatimin menjëherë nga viti i ardhshëm dhe synojmë miratimin në parlament brenda këtij viti”, tha ministrja.
