Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
AKTUALITET
"U miratuan ndryshimet në ligjin për Urdhrin e Mjekut", Koçiu: Kemi caktuar tavan për orët që një mjek i shtetit mund të punojë në privat
r.llPërditësimi i fundit 1 Gusht 2024, 10:21
albana kociu
TIRANË- Ministrat kanë prezantuar paraditen e sotme vendimet e qeverisë. Ministrja e Shëndetësisë, Albana Koçiu tha se u miratuan ndryshimet në ligjin për Urdhrin e Mjekut.
Koçiu tha se ndryshimet konsistojnë në bërjen publike dhe transparente të gjithë informacionit për profesionistët e shëndetësisë që punojnë në strukturat publike sa i përket angazhimeve të tyre dhe private.
Më tej lajmëroi se është vendosur një tavan i orëve të punëve që një mjek i shtetit mund të angazhohet dhe të punojë edhe në privat. Ministrja tha se drejtuesit e institucioneve publike shëndetësore e kanë të ndaluar të drejtojnë klinika private.
"Ndryshimet që kemi propozuar në ligjin dhe që u miratuan sot me vendimin më të fundit të qeverisë, në ligjin për urdhrin e mjekëve, kryesisht konsistojnë në bërjen publike dhe transparente të gjithë informacionit për profesionistët e shëndetësisë që punojnë në strukturat publike sa i përket angazhimeve të tyre dhe private.
Ndryshimi tjetër i rëndësishëm është edhe miratimi i një regjistri elektronik publik që do të garantojë akoma më shumë transparencë për këdo profesionist të shëndetësisë që punon në strukturat e publike, lidhur me punësimin e tij edhe privatisht.
Kemi vendosur edhe një tavan të orëve të punëve për t cilat një mjek që punon në sektorin publik mund të angazhohet dhe të punojë privatisht. Kemi bërë të qarta dhe procedurat për masat disiplinore dhe strukturat përkatëse që do të tregojnë veprimtarinë e tyre.Drejtuesit e institucioneve publike shëndetësore e kanë të ndaluar të drejtojnë klinika private.", u shpreh Koçiu.
