Kreu i Grupit Parlamentar të PD, Gazment Bardhi ka reaguar për ngjarjen e rëndë të ndodhur në Lozhan, ku mbeti i vrarë nj&e...
AKTUALITET
U kap teksa hyri në një shtëpi për të grabitur, shqiptari thyen këmbët gjatë arratisjes, arrestohet nga policia spanjolle
S.BPërditësimi i fundit 1 Gusht 2024, 10:34
foto ilustruese
SPANJË- Një shqiptar 36-vjeçar është arrestuar të martën nga policia e Palmës, Spanjë. Mësohet se 36-vjeçari teksa kishte hyrë në një shtëpi për të grabitur, është pikasur nga pronari i banesës ku ky i fundit ka njoftuar policinë.
Ngjarja ka ndodhur në lagjen s'Arenal, dhe në një njoftim, thuhet se një nga patrullat e zonës është paraqitur në vendngjarje dhe ka folur me fqinjin, i cili u ka thënë se kur ka qenë në dhomën e gjumit ka dëgjuar një zhurmë në ballkonin e dhomës dhe ka parë një individi që po ngrinte grilat e dritares me qëllim që të hynte.
Në atë moment dhe duke u ndjerë i zbuluar, shqiptari ka tentuar të zbresë nga ballkoni për të shpëtuar, por ka humbur ekuilibrin dhe ka rënë në rampën e garazhit. Më pas ai u ngrit për t'u ngjitur në murin që kufizon parcelën, por nuk mundi për shkak se i ishin plagosur kyçet e këmbës.
Për shkak të plagëve të marra shqiptari u dërgua në spitalin Son Espases. Pas ekzaminimit, mjekët i kanë njoftuar agjentët se ai kishte të dy nyjet e këmbëve të thyera dhe se duhej të shtrohej, kështu që në përputhje me protokollet e bashkëpunimit mes dy organeve, i arrestuari dhe procedimi u transferuan në Policinë Kombëtare.
