Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Gjinekologët bojkotojnë punën: Rrezikohet shëndeti i grave! Drejtori i spitalit: Do përballeni me masa ligjore
PiranjatPërditësimi i fundit 12 Nëntor 2025, 18:00
Rikonstruksioni i Repartit të Kirurgjisë në Spitalin Rajonal të Beratit ka sjellë problematika dhe konflikte mes reparteve, ku po transferohen materialet dhe dhomat e tij. Prej disa javësh ka filluar transferimi i materialeve kirurgjikale në një nga sallat e operacionit që ndodhet brenda Maternitetit të Beratit, dhe kjo ka sjellë indinjatën e mjekëve gjinekologë dhe stafit të këtij shërbimi, që sot ka pezulluar për rreth 1 orë punën.
Shefi i Maternitetit të Beratit, Gentjan Kusta, ka deklaruar se kjo gjendje është e papranueshme dhe ka krijuar kaos në shërbimin obsetrik-gjinekologjik. Sipas tij, nuk mund të përdoret për emergjencat e Repartit të Kirurgjisë një sallë operacioni që ndodhet përballë sallës abortale dhe dhomave të grave shtatëzëna, pasi kjo jo vetëm që do të ndikonte negativisht në gjendjen e tyre emocionale dhe psikologjike, por edhe është rrezik për përhapjen e infeksioneve të ndryshme.
Drejtori i Spitalit Rajonal Berat, Arben Konomi, ka deklaruar se nuk mund të ndalohet një investim jetik për qytetarët, siç është shërbimi kirurgjikal. Sipas Konomit, rikonstruksioni i Repartit të Kirurgjisë është ndarë në disa faza, ku po shfrytëzohen dhomat e Reparteve të Pediatrisë dhe Patologjisë, dhe në Maternitetin e Beratit do të shfrytëzohet vetëm një sallë operacioni, që nuk e përdor askush prej tre vitesh.
Konomi ka deklaruar se kjo situatë nuk do të zgjasë më shumë se 90 ditë dhe gjithçka do të zhvendoset si më parë, por nuk mund të ndalohet një financim i tillë, mjaft i nevojshëm dhe i rëndësishëm.
Drejtori i Spitalit Rajonal Berat, Arben Konomi, ka pohuar se mjekët gjinekologë që do të ndalojnë pa asnjë arsye shërbimin ndaj grave shtatëzëna do të përballen me masa administrative dhe masa ligjore.
