Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
AKTUALITET
Gjykata e Sarandës zbut masat për dy policët e akuzuar për shpërdorim detyre
PiranjatPërditësimi i fundit 28 Maj 2026, 17:37
Gjykata e Sarandës ka ndryshuar masat e sigurisë për dy punonjës të Policisë së Shtetit, duke i kaluar nga “arrest me burg” në “arrest në shtëpi”, në kuadër të hetimeve për operacionin e zhvilluar më 15 maj 2026 në qytetin e Sarandës.
Sipas vendimit të Gjykatës së Shkallës së Parë të Juridiksionit të Përgjithshëm Sarandë, masa “arrest në shtëpi” mbetet në fuqi për Blerim Tafçiun, i cili po hetohet për veprën penale “Shpërdorim detyre”, kryer më shumë se një herë.
Ndërkohë, për biznesmenin e Hotel Oasis, gjykata ka lënë në fuqi masën e sigurisë “arrest me burg”.
Agjencia e Mbikëqyrjes Policore, në bashkëpunim me Policinë e Shtetit, kishte ekzekutuar vendimet gjyqësore ndaj tre punonjësve të policisë, të cilët janë zyrtarisht nën hetim për veprën penale “Shpërdorim detyre”, parashikuar nga neni 248 i Kodit Penal.
Në kuadër të këtij procedimi penal, fillimisht u caktuan masat “arrest me burg” për Kristofor Shkrepën dhe Kastriot Sotkën, të dyshuar për “Shpërdorim detyre”, kryer më shumë se një herë, ndërsa për Blerim Tafçiun u vendos masa “arrest në shtëpi”.
Pas shqyrtimit në gjykatë, për dy efektivët është vendosur ndryshimi i masës së sigurisë nga “arrest me burg” në “arrest në shtëpi”.
