Ndërsa qeveria reklamon Shqipërinë si historinë më të madhe të suksesit turistik në rajon, ekspertët paralajm&eum...
AKTUALITET
Helmimi te Akademia e Sigurisë, policia: 60 studentë përfunduan në spital, nis hetimi
PiranjatPërditësimi i fundit 25 Qershor 2026, 11:42
Policia e Shtetit ka reaguar zyrtarisht pas rastit të helmimit në Akademinë e Sigurisë, ku dhjetëra kursantë të Kolegjit Profesional të Formimit Policor kanë shfaqur probleme shëndetësore.
Sipas njoftimit zyrtar, gjatë orëve të mbrëmjes së djeshme, 31 kursantë janë dërguar për ndihmë mjekësore në Repartin Infektiv të Qendrës Spitalore Universitare “Nënë Tereza”, pasi shfaqën simptoma si temperaturë dhe diarre.
Ndërkohë, gjatë mëngjesit të sotëm, edhe 29 kursantë të tjerë janë paraqitur në qendrën shëndetësore të Akademisë me simptoma të ngjashme dhe janë transportuar drejt Repartit Infektiv për të marrë ndihmë mjekësore.
Pas ngjarjes është ngritur një grup i posaçëm hetimor, i cili në bashkëpunim me Agjencinë e Mbikëqyrjes Policore (AMP) dhe nën drejtimin e Prokurorisë, po kryen të gjitha veprimet e nevojshme për zbardhjen e plotë të rrethanave të rastit dhe përcaktimin e përgjegjësive.
Në orët e mbrëmjes së djeshme dhe në orët e para të mëngjesit të sotëm janë dërguar për ndihmë mjekësore në Repartin Infektiv të QSUT-së 31 kursantë të Kolegjit Profesional të Formimit Policor në Akademinë e Sigurisë, me simptoma si temperaturë dhe diarre, të cilët kanë marrë ndihmën e nevojshme mjekësore dhe janë kthyer në Akademinë e Sigurisë në gjendje të mirë shëndetësore.
Ndërkohë, mëngjesin e sotëm janë paraqitur në qendrën shëndetësore të Akademisë së Sigurisë edhe 29 kursantë të tjerë të Kolegjit Profesional të Formimit Policor, të cilët janë dërguar për ndihmë mjekësore në Repartin Infektiv të QSUT-së.
Menjëherë është ngritur një grup i posaçëm hetimor, i cili, në bashkëpunim me Agjencinë e Mbikëqyrjes Policore (AMP) dhe nën drejtimin e Prokurorisë, po kryen veprimet hetimore për dokumentimin e plotë të rrethanave të rastit dhe përcaktimin e përgjegjësive përkatëse.
Ndërkohë, Autoriteti Kombëtar i Ushqimit (AKU) ka marrë mostra të ushqimeve të konsumuara, të cilat do t’i nënshtrohen analizave laboratorike për të përcaktuar shkakun e kësaj situate.
Gjithashtu, të gjithë kursantëve u janë bërë analizat dhe pritet dalja e përgjigjeve për të përcaktuar shkakun.
Grupi hetimor vijon punën për sqarimin e plotë të rrethanave të rastit.
