Sezoni turistik i këtij viti, është njollosur nga disa ngjarje të rënda, që kanë pasur për protagonistë edhe staf...
AKTUALITET
Humbën kontaktet me familjarët, shpëtohen dy turistë çekë në Kanionet e Gradecit
PiranjatPërditësimi i fundit 21 Gusht 2026, 10:08
Dy turistë çekë, të moshës 43 dhe 76 vjeç, janë shpëtuar nga forcat e kërkim-shpëtimit pasi mbetën të bllokuar në Kanionet e Gradecit, në një zonë me terren të vështirë malor.
Operacioni nisi menjëherë pasi Policia mori njoftim se dy turistët kishin humbur kontaktet me familjarët e tyre, ndërsa ndodheshin në kanione.
Shërbimet e Komisariatit të Policisë Skrapar, në bashkëpunim me Forcën Kombëtare të Sigurisë, Njësinë Alpine Fier dhe Ekipin Canyoning Skrapar, organizuan një operacion kërkim-shpëtimi për lokalizimin e tyre.
Gjatë kontrollit të zonës, efektivët përdorën edhe dronë, duke bërë të mundur gjetjen e dy turistëve, të cilët për shkak të terrenit të thyer nuk mund të vazhdonin lëvizjen.
Falë ndërhyrjes së koordinuar të strukturave të angazhuara në operacion, dy turistët u nxorën në mënyrë të sigurt nga kanionet dhe u transportuan jashtë zonës së rrezikshme.
Pas shpëtimit, turistët çekë falënderuan efektivët e Policisë dhe ekipet e tjera të përfshira në operacion, duke vlerësuar reagimin e shpejtë, profesionalizmin dhe përkushtimin e treguar për t’u ardhur në ndihmë.
Policia e Shtetit bëri të ditur se mbetet e angazhuar për garantimin e sigurisë së qytetarëve dhe turistëve, duke reaguar me shpejtësi në çdo situatë emergjente në të gjithë territorin e vendit.
