Pak orë para protestës së paralajmëruar, Policia ka rrethuar me barriera metalike perimetrin pranë Parlamentit, nga Xhamia e Namazgja...
AKTUALITET
Ina Zhupa: Solidaritet me ekipin e "Piranjave", sot u sulmua jo vetëm media por edhe shoqëria shqiptare
PiranjatPërditësimi i fundit 13 Shtator 2025, 21:40
Deputetja Ina Zhupa ka dënuar dhunën ndaj gazetarit Edon Kuqi dhe ekipit të emisionit “Piranjat” nga Refik Halili dhe Sinan Idrizi, aksionerin kryesor të kompanisë Air Albania. Zhupa në Facebook shprehet se ky rast duhe të hetohet me shpejtësi si një sulm i drejtpërdrejtë ndaj lirisë së medias, profesionit të gazetarit dhe të drejtës kushtetuese të qytetarëve për t’u informuar
Reagimi i plotë:
Dënoj me forcë aktin skandaloz të dhunës dhe kërcënimit ndaj ekipit të emisionit investigativ “Piranjat”, dhe veçanërisht ndaj gazetarit të guximshëm Edon Kuqi!
Gazetari dhe operatori ishin në krye të detyrës, duke ushtruar misionin e tyre legjitim për të informuar publikun. Përballë tyre, jo vetëm arrogancë, por kërcënime të rënda me pengmarrje dhe ushtrim dhune, një sulm i drejtpërdrejtë ndaj lirisë së medias, profesionit të gazetarit dhe të drejtës kushtetuese të qytetarëve për t’u informuar.
Policia e Shtetit dhe Prokuroria kanë detyrimin të hetojnë me shpejtësi dhe të vënë para drejtësisë autorët e këtij sulmi të papranueshëm.
Shpreh solidaritet të plotë me ekipin e “Piranjave” dhe të gjithë gazetarët investigativë që, pavarësisht rreziqeve e presioneve, vijojnë të mbrojnë interesin publik duke zbuluar të vërtetën dhe denoncuar abuzimet.
Liria e medias është gur themeli i demokracisë. Kush e sulmon, sulmon vetë shoqërinë.
