Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
“Ka dy gjini”, transgjinorja: Në gjendje civile jam mashkull, duhet një hapësirë ligjore për ne
PiranjatPërditësimi i fundit 10 Nëntor 2025, 22:46
Aprovimi i ligjit për barazinë gjinore ka ndezur një debat të fortë publik.
Luana, e cila i përket komunitetit LGBT dhe ka ndryshuar gjininë duke u kthyer nga mashkull në femër thotë se ka dy gjini, por duhet të ketë një hapësirë ligjore për transgjinorët.
"Unë mendoj që ka dy gjini sigurisht, ne nuk mund të dalim kundër Zotit, nuk mund të dalim kundër kombit, duhet të jem e sinqertë se përpara flamurit shtatëngjyshësh, unë kam flamurin dyngjyrësh kuqezi, kam familjen, kam kombin dhe duhet të ekzistojë një lloj hapësire ligjore që këta persona se nuk është logjike që një mashkull i lindur biologjikisht, ka kryer operacionin fundor dhe ka një vaginë tashmë, ti nuk mund ta emërtosh më me burrë. Ky ligj sigurisht që nuk jemi marrë ne transgjinorët, nuk jemi pyetur, unë s’kam qenë në asnjë panel që të diskutoj dhe në asnjë tryezë të rrumbullakët që unë të jap mendimin tim. Unë në gjendje civile jam regjistruar mashkull.
Unë rri tri orë në pritje, kam qenë në Maqedoni herën e fundit, një grup myslimanësh që ishin mbrapa meje, filluan çfarë është ky, unë ndihesha i kërcënuar se polici kufitar nuk më lejonte të kaloja kur është fare e thjeshtë, një shenjë gishti dhe mund të vërtetohet. Ka pasur abuzime, shumë kriminelë janë maskuar si gra dhe kanë kaluar kufirin. Ne si transgjinorë duhet të kemi një dokument mbështetës që të na mundësojë kush jemi në të vërtetë", tha Luana në opinion.
