Drejtori i Përgjithshëm i Policisë së Shtetit, Skënder Hita ka mbërritur në Drejtorinë e Policisë së Kor&cce...
AKTUALITET
Kërkoi lirimin nga burgu, Gjykata e Lartë rrëzon Ilir Metën, ish-presidenti mbetet në burg
PiranjatPërditësimi i fundit 16 Tetor 2025, 16:18
Gjykata e Lartë ka refuzuar rekursin e paraqitur nga ish-presidenti Ilir Meta, duke lënë në fuqi masën e sigurisë “arrest me burg” të caktuar ndaj tij. Me këtë vendim, organi më i lartë i drejtësisë në vend i ka shuar shpresës Metës për të lënë qelinë, ku ndodhet që prej datës 21 tetor 2024.
Meta kishte kërkuar zëvendësimin e masës së sigurisë, duke pretenduar se nuk ekzistojnë më kushtet për qëndrimin në burg. Megjithatë, Gjykata e Lartë e konsideroi të drejtë vendimin e mëpërashëm të dhënë nga Apeli i Possacëm dhe vendosi që ish-kreu i shtetit të vijojë qëndrimin në paraburgim, në pritje të gjykimit.
Prokuroria e Posaçme kundër Korrupsionit dhe Krimit të Organizuar, e ka marrë Metën të pandehur për disa akuza të rënda, përfshirë korrupsionin pasiv, pastrimin e produkteve të veprës penale dhe mosdeklarimin apo fshehjen e pasurisë.
Sipas hetimeve të SPAK, Meta dyshohet se ka përfituar shuma të konsiderueshme parash në mënyrë të kundraligjshme gjatë ushtrimit të funksioneve të tij publike, ndërsa një pjesë e pasurisë së tij dysohet të jetë fshehur përmes skemave komplekse financiare.
Ky vendim i fundit i Gjykatës së Lartë pritet të përshpejtojë fazën e dytë të procesit penal ndaj Metës, ndërkohë që çështja mbetet një nga më të ndjekurat në opinionin publik.
