Një ngjarje e rëndë është regjistruar në afërsi të ishujve të Ksamilit, ku është gjetur i pajetë n...
AKTUALITET
Këto janë 10 plazhet më të ndotura në Shqipëri. Raporti alarmues i Agjencisë së Mjedisit: Të merren masa të menjëhershme
PiranjatPërditësimi i fundit 3 Shtator 2025, 21:16
Rreth 26.8% e plazheve në vend janë të ndotura. Në këtë përfundim arrin Agjencia Kombëtare e Mjedisit në një raport për vitin 2024, duke bërë që shqetësimi kryesor të jetë derdhja e ujërave të ndotura direkt në det ose në lumenj.
“Burimet e ndotjes së ujrave të larjes janë numri i larte i pushuesve sidomos në pikun e sezonit por dhe gjate muajit Shtator, derdhja e ujërave sipërfaqësore dhe shkarkimet e ujërave urbane të pa trajtuara në ujërat pritëse bregdetare në mënyrë direkte dhe indirekte, si dhe prania e mbetjeve urbane inerte. Ndotja e ujërave bregdetar ka ndikim në mjedis duke konsisituar në prishjen e ekosistemeve, eutrofikimi dhe akuakultura”, thekson raporti.
Plazhet më të ndotura sipas raportit, janë në Velipojë, Durrësi, Kavajë, Qerret, Spille, Vlorë, Himarë, Qeparo, Sarandë, Ksamil dhe Lin-Pogradec, ndërsa plazhet me cilësi më të mirë janë kryesisht në jug të vendit, si Lukovë, Palasë, Drimadhe, Dhërmi, Jalë, Livadh dhe Borsh duke vijuar me plazhet Shëngjin, Tale, Gjiri i Lalzit, Seman e Derëzezë, Divjakë, Zvërnec, Orikum.
Për përmirësimin e cilësisë të plazheve të ndotura, raporti i Agjencisë Kombëtare të Mjedisit kërkon marrjen e masave të menjëhershme dhe trajtimit të ujërave të ndotura urbane përpara derdhjes në ujërat pritëse si shkaktari kryesor i ndotjes së tyre.
