Dashi
E diela fillon pak e përgjumur, por më pas forca dhe energjia kthehen pasdite. Mbrëmja do të jetë shumë e vlefshme për...
AKTUALITET
Kishte planifikuar vrasjen e dy personave, por dështoi, ekstradohet nga Franca 43-vjeçari
PiranjatPërditësimi i fundit 23 Prill 2026, 14:08
Një 43-vjeçar i akuzuar se krijoi kushte për vrasjen e dy personave është ekstraduar nga Franca drejt Shqipërisë.
Bëhet fjalë për shtetasin, Alban Skonja, pjesëtar i një grupi kriminal, i cili është kapur në Francë, në vitin 2023, në kuadër të operacionit të koduar “Sete”.
Interpol Tirana/Finalizohet një tjetër fazë e operacionit të koduar “The Ëanted”.
Akuzohet se ka siguruar kushte dhe mjete për vrasjen e 2 shtetasve, ekstradohet nga Franca, 43-vjeçari.
43-vjeçari, pjesëtar i një grupi kriminal, është kapur në Francë, në vitin 2023, në kuadër të operacionit të koduar “Sete”.
Në vijim të bashkëpunimit të ngushtë të specialistëve të Interpol Tiranës, me homologët në Francë, në kuadër të operacionit të koduar “The Ëanted”, u finalizuan procedurat për ekstradimin nga Franca në Shqipëri, të shtetasit:
Alban Skonja 43 vjeç, banues në Francë.
Këtij shtetasi, Gjykata e Durrësit, në vitin 2022, i ka caktuar masën e sigurisë “Arrest në burg”, për veprat penale “Mbajtja pa leje dhe prodhimi i armëve, armëve shpërthyese dhe municionit luftarak”, “Sigurimi i kushteve dhe mjeteve për të kryer vrasje” dhe “Grupi i strukturuar kriminal”.
Shtetasi Alban Skonja akuzohet se në bashkëpunim me shtetas të tjerë (pjesëtarë të grupit kriminal), kanë planifikuar vrasjen e 2 shtetasve, duke siguruar automjete, armë zjarri dhe apartamente me qira, por nuk kanë mundur ta realizojnë vrasjen e tyre.
Gjithashtu, shtetasi Alban Skonja dyshohet se në vitin 2023, në rajonin e Balarus, Francë, është përfshirë në një rast të marrjes së një shume parash (40 000 euro), nëpërmjet kërcënimit me armë, në kuadër të bandës së organizuar. Për këtë ngjarje, Njësia për Krimet Shëtitëse Anti Skifter në Shqipëri dhe Zyra Kombëtare për Krimet Shëtitëse Anti Skifter në Francë kanë shkëmbyer informacion, duke qenë se dyshohej se një ndër autorët e përfshirë ishte shtetas shqiptar.
