Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Fjala e lirë në burg, kur ligji bëhet kallëp për heshtje mediatike, Rakipi: Edhe ju do ta pësoni
PiranjatPërditësimi i fundit 4 Shtator 2025, 14:08
Këtë të enjte u mbajt tryeza e dytë e prezantimit të draftit për Kodin e ri Penal.
Drejtori i Shkollës së Magjistraturës, Arben Rakipi, njëkohësisht drejtues i grupit të punës për hartimin e draftit të Kodit të ri Penal, prezantoi ndryshimet që parashikon të pasqyrohen në Kodin e ri.
Ai u ndal specifikisht te gazetarët, kur po diskutohej për kriminalizimin e shpifjes, teksa tha se as gazetarët nuk duhen përjashtuar.
Por përfshirja e shpifjes si vepër penale në Kodin Penal rrezikon të përdoret si mjet presioni politik ndaj gazetarëve kritikë. Në vend që të mbrojë qytetarin nga shpifja, kjo dispozitë mund të kthehet në armë për të frikësuar median dhe për të kufizuar investigimin.
Në kushtet kur misioni i gazetarit po relativizohet, duke u thënë se gazetari shpif sikur çdo person tjetër, harrohet dallimi thelbësor midis shpifjes së qëllimshme dhe ‘gabimit’ gjatë një procesi raportimi. Në kushtet kur gazetari kërcënohet me burg për çdo fjalë të gabuar, do të jemi pre e një procesi vetë-censurimi. Në vend që gazetarët të merren me denoncimin dhe investigimin, do të zgjidhet heshtja për të mos rrezikuar.
Në kushtet kur çdo institucion është centralizuar, demokracia minohet nëpërmjet këtyre masave shtrënguese.
Pasi problemi nuk është ligjor, media ka më së shumti nevojë për mekanizma etik, përgjegjësi editoriale dhe rregullim të brendshëm. Dënimi penal është masa më ekstreme dhe një grackë pa barriera.
“Shpifja është një çështje mjaft delikate nga të gjitha pikëpamjet. Mund të shpifë kushdo, nuk është e domosdoshme që subjekti të jetë gazetar. Ekzistojnë sisteme që më duken të papërshtatshme, të cilat me ligj kanë përjashtuar gazetarët nga penalizimi për shpifje. Ai sistem – sistemi belg, në mos gaboj – më duket, në radhë të parë, se cenon barazinë e njerëzve para ligjit. Për më tepër, më duket fyes për gazetarët, sepse nëse përjashtohen nga penalizimi për shpifje, kjo më ngjan si një licencë për të shpifur.
Akoma më keq, kjo nënkupton paragjykimin se pikërisht gazetarët janë ata që shpifin. Në fakt, nuk është kështu. Misioni i gazetarit është tjetër gjë; lidhet me të vërtetën, me faktet dhe analizat që çojnë në të vërteta dhe konkluzione. Shqetësimi se gazetari mund të kërcënohet me penalitet për shkak të gabimeve të mundshme dhe se i nevojitet mbrojtje, kjo duhet të adresohet ndryshe dhe jo me përjashtim të përgjithshëm.
Shqipërisë nuk i vjen e keqja – dhe as nuk duhet t’i vijë – nga parashikimi apo jo i shpifjes në Kodin Penal. Niveli i respektit për fjalën që kemi është diçka që dihet", tha ai.
