Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Kontrolle në burgun ku ndodhet Erion Veliaj, ja çfarë është zbuluar nga policia
PiranjatPërditësimi i fundit 25 Tetor 2025, 11:35
Forcat operacionale të Drejtorisë së Përgjithshme të Burgjeve realizuan një kontroll të papritur në burgun e Durrësit, ku sekuestruan pesë telefona iPhone, të cilët janë të ndaluar brenda institucionit. Telefono janë gjetur të fshehura në dyert e dusheve, në Godinën “A”, kati i tretë, Sektori 1, një ambient i përbashkët për të burgosurit.
Burime nga burgu bëjnë me dije se dyshohet që telefonat t’u përkisnin të dënuarve Flamur Kapri, Aldo Prifti dhe Vladimir Ibrushi, të cilët janë nën akuzë për krime të ndryshme. Kontrolli i sotëm është pjesë e një operacioni të rregullt për të parandaluar përdorimin e pajisjeve të ndaluara brenda institucioneve të burgimit, që mund të përdoren për komunikime të paligjshme.
Ndërkohë, në burgun e Durrësit ndodhet edhe ish-kryetari i Bashkisë së Tiranës, Erion Veliaj.
Njoftimi:
Në orët e mëngjesit të sotëm, forcat operacionale të Drejtorisë së Përgjithshme të Burgjeve kanë zhvilluar një kontroll të befasishëm në Institucionin e Ekzekutimit të Vendimeve Penale (IEVP) Durrës.
Gjatë kontrollit janë gjetur pesë aparate telefoni celular të markës iPhone, të cilat përbëjnë sende të ndaluara në ambientet e institucionit.
Sendet janë gjetur të fshehura në dyert e dusheve (ambient i përbashkët), në Godinën “A”, kati i tretë, Sektori 1.
Dyshohet se këto telefona i përkisnin të dënuarve Flamur Kapri, Aldo Prifti dhe Vladimir Ibrushi.
Në lidhje me rastin, po vijon puna hetimore për identifikimin e plotë të personave përgjegjës dhe mënyrën se si janë futur sendet e ndaluara në institucion.
