Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
Ktheu banesën në një 'depo municionesh'/ Arrestohet 64-vjeçari në Tiranë
m.lPërditësimi i fundit 7 Maj 2025, 13:45
TIRANË- Një 64-vjeçar është vënë në prangat e policisë gjatë ditës së sotme në kryeqytet. Bëhet me dije se gjatë kontrollit në banesën e tij, u gjetën 7 karikatorë armësh, 4 armë të ftohta, 1 pistoletë me mulli, uniforma dhe shkop gome si të Policisë, si dhe sasi të konsiderueshme municioni, të cilat posedoheshin pa leje, nga pronari i banesës.
Mbi të arrestuarin rëndojnë veprat penale 'mbajtja pa leje dhe prodhimi i armëve, armëve shpërthyese dhe i municionit', 'prodhimi, mbajtja, blerja apo shitja pa leje e armëve të ftohta' dhe 'mbajtja pa të drejtë e uniformës'.
"Si rezultat i administrimit të shpejtë të informacioneve të siguruara nga inteligjenca policore, se një banesë në rrugën “Pasho Hysa”, mbaheshin armë dhe sende të tjera, shërbimet e Komisariatit të Policisë Nr. 1 finalizuan operacionin “Municioni”.
Gjatë ndërhyrjes, në këtë banesë u gjetën 7 karikatorë armësh, 4 armë të ftohta, 1 pistoletë me mulli, uniforma dhe shkop gome si të Policisë, si dhe sasi të konsiderueshme municioni, të cilat posedoheshin pa leje, nga pronari i banesës, shtetasi 64 vjeçar.
Ky shtetas u arrestua në flagrancë, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Prodhimi, mbajtja, blerja apo shitja pa leje e armëve të ftohta” dhe “Mbajtja pa të drejtë e uniformës”.
