Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
AKTUALITET
Kthyen banesën në “shtëpi bari”, arrestohet 16-vjeçari! Shpallet në kërkim edhe një person tjetër
PiranjatPërditësimi i fundit 9 Janar 2026, 13:36
Policia e Shkodrës ka arrestuar një 16-vjeçar, i cili ishte shpallur në kërkim në kuadër të operacionit të koduar “Neonët 6”.
Sipas njoftimit të policisë, i mituri dyshohet se ka bashkëpunuar me shtetasin A. V., 35 vjeç, për përshtatjen e një banese në lagjen “Ndoc Mazi”, e cila shërbente për kultivimin e bimëve narkotike.
Banesa ishte e pajisur me sisteme të posaçme, që furnizoheshin me energji elektrike përmes lidhjeve të paligjshme.
Ndërkohë, policia vijon punën për lokalizimin dhe arrestimin e 35-vjeçarit, i cili është ende në kërkim.
Njoftimi i Policisë:
Drejtoria Vendore e Policisë Shkodër
Vijon operacioni policor i koduar “Neonët 6”, kapet njëri nga shtetasit e shpallur në kërkim.
Specialistët për Hetimin e Krimeve të Komisariatit të Policisë Shkodër ndaluan 16-vjeçarin që ishte shpallur në kërkim, pasi dyshohet se ka bashkëpunuar me shtetasin A. V., 35 vjeç, për përshtatjen e një banese në lagjen “Ndoc Mazi”, për kultivimin e bimëve narkotike, me pajisje që furnizoheshin me lidhje të paligjshme të energjisë elektrike. Vijon puna për kapjen e 35-vjeçarit.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
