Në mbështetje të studentëve që protestojnë para Ministrisë së Arsimit, protestës i është bashkuar edhe ...
AKTUALITET
Kukësi mbulohet nga tymi, ndotje masive nga djegia e gomave
PiranjatPërditësimi i fundit 27 Nëntor 2025, 07:58
Në qytetin e Kukësit, qindra goma të përdorura makinash janë përfshirë nga flakët, duke shkaktuar një ndotje masive të ajrit, në zonën poshtë ish-Uzinës Mekanike në Kukës. Djegia e gomave dyshohet e qëllimshme, ndërsa e çuditshme, është neglizhenca e autoriteteve lokale.
Në qytetin e Kukësit, qindra goma të përdorura makinash janë përfshirë nga flakët, duke sjellë një ndotje alarmante të zonës përreth. Djegia dyshohet e qëllimshme, ndërsa asnjë prej institucioneve vendore, nuk është shqetësuar për situatën alarmante.
Në zonën poshtë ish-Uzinës Mekanike në Kukës, pranë brigjeve të lumit Luma, qindra goma të përdorura makinash janë përfshirë nga flakët, duke shkaktuar një ndotje masive të ajrit. Pamjet nga vendngjarja tregojnë shtylla të dendura tymi të zi që ngrihen qindra metra lart, ndërsa terreni përreth mbulohet nga një shtresë smogu.
Djegia e gomave shihet e përhapur në disa pika, duke krijuar dyshime për një zjarr të vënë qëllimisht. Megjithatë, ajo që bie më shumë në sy është mungesa e ndërhyrjes nga institucionet përgjegjëse. Në zonë nuk është parë asnjë automjet zjarrfikës dhe as patrullë policie, ndërsa flakët vazhdojnë të djegin mbetjet pa kontroll.
Pavarësisht reshjeve të shiut, tymi i rëndë vazhdon të ngrihet, duke ndotur ajrin dhe duke rrezikuar zonat përreth, përfshirë edhe lumin që ndodhet vetëm pak metra larg zjarrit. Ky episod shton edhe një herë shqetësimet për situatat e përsëritura të ndotjes në qytet dhe mungesën e reagimit ndaj tyre.
