Një aksident rrugor është regjistruar paraditen e kësaj të enjte (4 qershor 2026) në Tiranë, pranë Fabrikës s&eum...
AKTUALITET
KURUM i shiti 816 ton mbetje toksike kompanisë “Sokolaj” si “oksid hekuri”
e. dPërditësimi i fundit 21 Gusht 2024, 19:22
Kurum
ELBASAN- 816 tonët, mbetje e rrezikshme që u nisën drejt Tajlandës dhe ngritën në këmbë autoritetet vendase dhe të huaja, dolën nga KURUM në Elbasan si “oksid hekuri”. Report Tv ka mësuar se në doganë është paraqitur si dokument fatura e shitjes e cila shënonte ‘oksid hekuri’ eksporti i të cilës është i lejuar pasi nuk konsiderohet i rrezikshëm.
Mbetjet janë transportuar nga KURUM në Elbasan drejt Durrësit nga firma “Sokolaj SHPK”, e cila ka deklaruar edhe dokumentacionin e blerjes.
Mësohet gjithashtu se firma turke, KURUM, e cila më herët mohoi që të kishte bërë transport lëndësh të rrezikshme, ia ka shitur kompanisë Sokolaj 40.800 dollarë vetëm njërën prej ngarkesave, e cila është deklaruar sikur të jetë rreth 2.8 mln kg oksid hekuri dhe jo pluhur i furrave të çelikut që është lëndë shumë e rrezikshme, e cila u konstatua më vonë nga autoritetet ndërkombëtare.
Në deklarimin që është bërë në doganë më 4 korrik thuhej se destinacioni final ishte Tajlanda ndërsa kompania që e ka marrë sasinë është GS MINERALS e regjistruar në Rijeka në Kroaci. E gjithë sasia nuk ka kaluar në kontrollin me skaner pasi është lëndë rifuxho dhe përjashtohet nga ky kontroll.
Për të gjitha shkeljet e dyshuara dhe gjithë procesin e lëndës nga KURUM, ku është origjina e mbetjeve të rrezikshme, transporti dhe kalimi në port, Prokuroria e Durrësit ka nisur hetimet që prej 16 gushtit për veprën penale “Kontrabandë me mallra të ndaluara ose të kufizuara”.
Lajmi është konfirmuar vetë nga organi i akuzës i cili thotë e regjistrimi i procedimit penal, hetimet në kuadër të të cilit po bëhen në bashkëpunim të ngushtë me OLAF dhe institucione të tjera ndërkombëtare, është bërë pas materialeve të dorëzuara dhe referuara nga Drejtoria e Përgjithshme e Doganave, ndërkohë që edhe policia e Durrësit ka dorëzuar në prokurori dosjen pasi ka kryer hetimet e para për veprat “Transportimi i mbetjeve” për firmën ‘Sokolaj’ dhe “Shpërdorimi i detyrës” për disa zyrtarë të Portit, emrat e të cilëve nuk bëhen të ditur.
Report Tv kontaktoi me pronaren e firmës transportuese, Gjovana Sokolaj, e cila konfirmoi bashkëpunimin dhe kontratën me KURUM International.
Një ditë më parë ishte Ministria e Mjedisit e cila konfirmoi ekskluzivisht për Report TV se sasia e lëndës është sjellë në Port nga KURUMI në Elbasan, dhe u ngarkua në Durrës në kontejnerët në pronësi të linjës ndërkombëtare MSC.
Dy anijet “Campton” dhe “Candor’ që po transportojnë, një 41 kontejnerë dhe tjetra 61 konteinjerë, janë operatorit të ndërkombëtar Maersk, që përmes kësaj deklarate ka thënë se e gjithë sasia do të rikthehet në Shqipëri./Report tv
