Pasuri me vlerë 77 milionë lekë janë vendosur nën sekuestro preventive në kuadër të hetimit të SPAK për traf...
AKTUALITET
Loja me kompanitë për Tunelin e Llogarasë, gazetarja jep detaje për përgjimet e SPAK ndaj Ballukut
PiranjatPërditësimi i fundit 31 Tetor 2025, 21:38
Zëvendës kryeministrja Belinda Balluku u mor sot zyrtarisht e pandehur për veprën penale të “Shkeljes së barazisë në tendera”, për ndërtimin e Tunelit të Llogarasë.
“Deri në momentin që do të paraqitej në SPAK konsiderohej person nën hetim, por kur merr dijeni për akuzën, konsiderohet zyrtarisht e pandehur. Kjo u vërtetua zyrtarisht edhe nga SPAK që bëri me dije se gjithçka lidhen në lidhje me tunelin e Llogarasë, kur fillimisht doli fitues firma Gjoka konstruksion, tender që u anulua vetëm pak më vonë. 5 muaj më vonë tenderi u fitua nga kompani turke, me një vlerë 50 mijë euro më shumë nga oferta që kishte dhënë fillimisht “Gjoka”.
Ajo që ishte interesanti ishte fakti që në fund ndërtimet u bënë në realitet nga “Gjoka” pavarësisht se tenderin e mori kompania turke. Burime bëjnë me dije se janë të kryqëzuara me udhëtimet, bisedat telefonike, praktikën e tenderave dhe kanë krijuar panoramën që hetuesit besojnë se kanë arritur një provueshmëri të lartë lidhur me veprën penale”, tha ajo.
Sipas Lalës mbetet në dorën e SPAK të vlerësojë nëse ekziston mundësia për të manipuluar apo ndikuar në prova.
“Gra të cilat janë hetuar zakonisht kanë shkuar në masa të lehta sigurie. Rama u duk sikur kishte një distancim mbi komunikimin e akuzës ndaj Ballukut. Balluku është një grua shumë e fuqishme brenda PS, është numri 2 brenda PS, do të jetë edhe një luftë forcash brenda llojit, brenda PS”, tha ajo.
