Instituti i Toni Bler ka përfituar mbi 94 milionë lekë ose 100 mijë euro nga qeveria Rama gjatë vitit 2025, ndërsa kontratat dhe...
AKTUALITET
"Made in" Shqipëri (me insekticide ekstra)/ Domatet tona s’kalojnë dot kufirin, por ja ku i keni në tregun e lagjes
PiranjatPërditësimi i fundit 2 Shtator 2025, 13:33
Situata e produkteve ushqimore që prodhohen në vendin tonë vazhdon të jetë alarmante.
Së fundmi, Kroacia ka kthyer mbrapsht një sasi të madhe domatesh të prodhuara në Shqipëri, pasi nga kontrollet e sistemit RASFF ka rezultuar se prania e Chlorfenapyr-it (insekticid) ishte pesë herë mbi normat e lejuara.
Kjo nuk është hera e parë që Kroacia refuzon produkte shqiptare për shkak të nivelit të lartë të kimikateve dhe rrezikut serioz për shëndetin e konsumatorëve. Ndërkohë, inspektorët e AKU-së nuk kanë zbuluar ende asnjë rast të tillë.
Nga ana tjetër, inspektorët e AKVMB-së ndodhen në pritje të reformës për të filluar punën, ndërsa produktet ushqimore në vend qarkullojnë pa asnjë kontroll efektiv. Pyetja kryesore që lind është: çfarë do të ndodhë me domatet që u kthyen mbrapsht? Do të përfundojnë në tregun vendas, siç ndodhi edhe me mandarinat apo qepët e refuzuara më parë nga BE?
Kthimi i kamionëve vjen në një kohë kur qeveria po forcon kuadrin ligjor – jo për të ndëshkuar burimin e rrezikut, por vetëm për të menaxhuar pasojat.
Kodi i ri Penal sjell disa risi në fushën e sigurisë ushqimore, duke përfshirë vepra të reja penale që synojnë ndëshkimin e prodhimit dhe tregtimit të ushqimeve të rrezikshme për shëndetin e qytetarëve.
Kjo lëvizje pason një seri skandalesh ushqimore, nga shpërthimi i salmonelës, akulloret kancerogjene, e deri te kamionët me perime të refuzuara nga BE për shkak të pesticideve. Por, si gjithmonë, qeveria duket se po përpiqet të “shërojë” tashmë të ‘sëmurin’, në vend që të gjejë dhe ndëshkojë shkaktarët e vërtetë të kësaj situate. /Piranjat.al/
