Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Mashtrimi me procesverbalet në sallën e gjyqit dhe gënjeshtra e Carlo Bollinos
PiranjatPërditësimi i fundit 6 Shkurt 2026, 19:01
Ndryshe nga Mero Baze që ka kaluar në ekstrem duke publikuar gënjeshtra dhe në mënyrë abuzive thotë se prokurorët Ols Dado dhe Altin Dumani kanë thënë në GJKKO se Erion Veliaj duhet të qëndrojë në burg për shkak se ka marrë avokatë amerikanë, ndryshe nga Ylli Manjani që thotë tezën se mbi ç’ligj bazohet budallallëku se “u bëre ti të marrësh avokat amerikan”, Carlo Bollino është treguar më diplomat. Ankohet, thotë, për avokatin amerikan.
Në fakt, që ta kuptojë edhe Carlo Bollino, megjithëse është më diplomat në këto lojëra, nuk është ankuar prokurori Ols Dado.
Po ju sjellim edhe raportimin e bërë në median e tij, ku media e Carlo Bollino-s thotë se prokurori Ols Dado është ankuar për avokatin amerikan.
“Jemi vënë në dijeni pasi elementë të rinj në lidhje me nenin 228 të Kodit të Procedurës Penale, të nenit 163 në lidhje me kushtet e përcaktimit të masës së sigurimit personal, jemi vënë në dijeni për një fushatë lobimi të shtetasit Erion Veliaj në Shtetet e Bashkuara të Amerikës, me një fond financimi rreth 221 mijë dollarë. Nga burime të hapura, është një shkrim, ka shumë shkrime, por do të doja që këtë gjykata ta shqyrtonte si provë. Në gjykimin tonë kjo fushatë lobimi, e cila ka shkuar deri në nivelet më të larta politike administrative të Shteteve të Bashkuara nuk përbën një mbrojtje juridike për veprimtari të funksionit politik, synon delegjitimimin e organeve që po gjykojnë aktualisht çështjen dhe tregon vullnetin e të pandehurit për të shmangur procesin penal.
Pra, mbrojtja nga procesi penal dhe jo mbrojtja në procesin penal duket se është synimi kryesor i të pandehurit Erion Veliaj gjatë këtyre muajve të hetimit paraprak, por dhe të gjykimit në seancë paraprake. Për ne është një element shumë i rëndësishëm që tregon se klima e krijuar në raport me Prokurorinë e Posaçme, por dhe me gjyqtarin në hetim paraprak. Të mos harrojmë këtu që nga burime të hapura gjithashtu, këta aktorë të sistemit të drejtësisë, pra edhe prokurorë të Prokurorisë së Posaçme, por edhe gjyqtarë, janë cilësuar si anëtarë aktivë të një partie që i përket opozitës në Shqipëri.
Janë cilësuar të lidhur, ose të paktën vetëm prokurori, me interesa të ngushta zhvillimore ndërtuese. Kjo është një situatë që krijon një klimë ndikimi jo vetëm tek organet e drejtësisë dhe aq më tepër mund të imagjinojmë efektin që krijon te dëshmitarët, por dhe te dëshmitarët e drejtësisë që janë pjesë jetike, thelbësore e këtij procesi”.
Prokurori Ols Dado ka folur për lobimin 220 mijë dollarë kundër drejtësisë. Lobim, i cili në fakt ka pasur gënjeshtra.
Dhe në qoftë se ka gënjeshtra janë dy:
1-Shtesa e lejes së ndërtimit e kërkuar nga Olsi Dado, për të cilën nuk është publikuar as dokumenti me firmën e prokurorit dhe as dokumenti me refuzimin e bërë nga Erion Veliaj. Kemi 173 ditë që e kërkojmë, pse nuk e kërkon edhe Carlo Bollino të bëhet publike kjo?
2-Sipas dokumenteve të siguruara në Departamentin Amerikan të Drejtësisë thuhet se Ols Dado është anëtar aktiv i Partisë Demokratike. Ku është? Ta nxjerrin.
Këto të dyja, nuk i nxjerrin dot as Mero Baze dhe as Carlo Bollino, që na luan me tezën se ankohet për avokatin. Është e qartë që prokurorët e SPAK-ut nuk janë ankuar për asnjë avokat të huaj, as amerikan, as europian. Përkundrazi, kanë thënë: 'vazhdo lobimin dhe pushka top t'u bëftë'.
Po a do ta pyesin ndonjëherë veten të gjithë këto media, të gjithë këta që e mbajnë veten (disa prej tyre) edhe për burra të zotë, pse nuk zhvillohet gjyqi prej shtatë muajsh?
Pse në seancën paraprake avokatja ankohet për lekët e taksisë, ndërkohë që paguajnë qindra mijëra dollarë lobim në SHBA dhe qindra mijëra të tjera për media?
Apo nuk mjafton që mediat të mbushin xhepat e tyre e se çfarë budallallëqesh vijnë nga studiot ligjore apo ato të lobimit nuk prish ndonjë punë.
Kur e doni kaq shumë Erionin, sidomos Carlo Bollino që e ka pikë të dobët në zemër, mirë është ta këshillojë të zhvillohet gjyqi dhe së bashku ta nxjerrin të pafajshëm.
Ose ta ndihmojë Carlo me ndonjë lekë Erionin, boll i ka marrë vëllait të tij dhe ka përfituar nga Bashkia e Tiranës. Le t'i japë ndonjë lekë avokates që t'ia lënë taksinë një çikë më gjatë atje në burgun e Durrësit, apo në Fier ku e kanë çuar tani./ CNA
