Pas refuzimit të përsëritur të studentëve dhe pedagogëve për t’u ulur në dialog me të, kryeministri Edi Ram...
INVESTIGIME
Abuzoi me 11-vjeçaren, arrestohet pedofili i denoncuar nga Piranjat
M.B.Përditësimi i fundit 29 Shtator 2024, 13:12
RINAS- Pas një pune disamujore të Piranjave me prokurorinë e Kavajës, dhe pas një "ftese" për intervistë që i kishim bërë ne si Piranja shtetasit Elton Sina, ku ai premtoi që do të vinte së bashku me avokaten e tij, Elton Sina ka ardhur në Rinas ku është ndaluar nga policia dhe është njohur me masën e sigurimit " Arrest me burg" dhënë nga gjykata e rrethit gjyqësor Durrës, pas provave të grumbulluara nga Piranjat.
Emisioni “Piranjat” trajtuan çështjen e një vajze vetëm 12-vjeçe, e cila një vit më parë, kohë kur ishte vetëm 11 vjeçe u abuzua seksualisht nga bashkëshorti i kushurirës së saj 35-vjeçar, baba i një fëmije. E mitura tregoi se në muajin Gusht të vitit 2023, gjatë pushimeve verore kishte shkuar tek halla e saj në fshatin Golem të qytetit të Kavajës për të qëndruar disa ditë me fëmijët e vegjël të familjes dhe me kushurirat e sajë, konkretisht bashkëshorten e 35-vjeçarit Elton Sina.
Kohë më parë 35-vjeçari kishte komunikuar me vajzën në Instagramin e saj, teksa i dregonte të miturës simpatinë që ai kishte për të, të akumuluar prej vitesh, duke i thënë konkretisht që kur ishte e vogël ai e mbante në prehër dhe shfrynte epshet e tij, e ndërkohë të afërmit mendonin se Eltoni kujdesej shumë për të voglën.
E mitura tregoi për Piranjat se abuzimi ka ndodhur në një moment kur ajo ka qenë vetëm në dhomën e gjumit, teksa kujdesej për të vegjlit e familjes. Në fakt e gjithë situata kishte ardhur gradualisht pasi për tre ditë qëndrimi 35 vjeçari e kishte ngacmuar disa herë, madje dhe në prezencë të familjarëve të tjerë teksa e mitura flinte. Familjarët e vajzës së mitur tregojnë që sapo janë vënë në dijeni të situatës babai ka marrë më telefon dhëndrin e familjes, 35-vjeçarin abuzues. Si kundërpërgjigje abuzuesi i dërgon një sms teksa i kërkon falje për të gjitha gjestet që kishte kryer, duke pranuar në një farë mënyre gjithka kishte kryer me vajzën e mitur.
