Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Meta mbetet në qeli, Cakrani: Sot Gjykata ka krijuar një precedent, mbajtjen pa ligj të presidentit në burg
PiranjatPërditësimi i fundit 22 Tetor 2025, 14:18
Gjykata e Posaçme ka rrëzuar kërkesën e ish-Presidentit Ilir Meta për shuarjen e masës së sigurisë "arrest me burg".
Kërkesa u depozitua një ditë më parë nga avokati i tij, Kujtim Cakrani, i cili kërkoi lirimin e menjëhershëm të Metës, me pretendimin se afatet ligjore për mbajtjen në paraburgim janë tejkaluar dhe se vazhdimi i masës është në kundërshtim me ligjin.
Pas vendimit të gjykatës, avokati Cakrani deklaroi për mediat se ky vendim sipas tij, "krijon një precedent të rrezikshëm për të gjithë sistemin e drejtësisë", duke akuzuar gjykatën për shkelje të të drejtave procedurale.
Cakrani:
I kërkuam gjykatës shuarjen e masës së sirgumit, pasi ka plotësuar të gjitha kriteret e bazuara në ligj. Problemi është se ne bëjmë kërkesa të bazuara. Por gjykata nuk i merr parasysh. Më në fund dëgjon prokurorët që flasin dy minuta. Sot Gjykata ka krijuar një precedent, mbajtjen pa ligj të presidenti në qeli. Ne nuk e dimë se kur do të përfundojë seanca, apo ky gjyq. Do e kalojë apo do e kthejë për gjykim, se dimë se çfarë do të ndodhë. Jemi në errësirë totale. Gjykata e rrëzoi kërkesën tonë, pasi ne nuk e dimë vendimin e arsyetuar. Krijoi precedent të rrezikshëm me zotin Meta. Janë ezauruar afatet për qëndrim në paraburgim. Afati 1-vjeçar u ezaurua dje.
Kërkesa, e depozituar ditën e djeshme nga avokati Kujtim Cakrani u shqyrtua nga gjyqtarja Irena Gjoka.
