Një tjetër eurodeputet i Parlamentit Europian ka reaguar i indinjuar ndaj dhunës së policisë me urdhër të kryeministrit...
AKTUALITET
Ministrja Evis Sala harron pacientët me kancer dhe pa barna, premton receta elektronike dhe dixhitalizim të Shëndetësisë
PiranjatPërditësimi i fundit 2 Tetor 2025, 17:35
Ministrja e re Evis Sala ka marrë pjesë në samitin dy ditor “Inteligjenca artificiale në shëndetësi”, organizuar në Londër nga “The Economist”, ku gjatë këtij takimi, zyrtarja e shëndetësisë ka deliruar duke folur për digjitalizimin e plotë në shëndetësi, recetën elektronike dhe gjurmimin digjital të barnave (track and trace) si e vetmja rrugë për një shëndetësi bashkëkohore.
“Londër - Ministrja e Shëndetësisë dhe Mirëqënies Sociale, Prof. Evis Sala në samitin e organizuar nga “The economist” tha se digjitalizimi i plotë në shendetësi, receta elektronike dhe gjurmimi digjital i barnave(track and trace) janë e vetmja rrugë për një shendetësi bashkëkohore. Spitali i së ardhmes do të ketë një infrastrukturë të padukshme teknologjike, qendër të unifikuar të të dhënave të pacientit, zero barrë administrative për profesionistët dhe një kulturë bashkëpunimi njeri – IA, ku është në qendër kujdesi ndaj pacientit”, njofton Ministria e Shëndetësisë.
Por ministrja ka harruar se ndryshe nga ccfarë duhet që sistemi shëndetësor të shpëtojë jetë, ai ka dalë i zhveshur nga çdo përgjegjësi: pacientë me kancer pa barna, kontrata të prishura, 49 milionë lekë gjoba të paaplikuara, barna të skaduara që figurojnë si stok në Pentaho.
Ky është një nga raportet e Kontrollit të Lartë të Shtetit. Dhe mbi të gjitha, është një akuzë e drejtpërdrejtë ndaj institucioneve që kanë dështuar të mbrojnë jetën.
