Kancelari i Gjermanisë, Friedrich Merz , ka akuzuar partinë e ekstremit të djathtë Alternative für Deutschland (AfD) se kërkon &...
AKTUALITET
Lane për orë të tëra pacientët pa shërbim pas denoncimit në media, rregullohet pajisja! QSUT pranon problemin
PiranjatPërditësimi i fundit 15 Janar 2026, 17:34
Një situatë alarmante paraqitet sërish tek Onkologjiku, ku dy akceleratorë të radioterapisë janë jashtë funksionit prej tre ditësh, duke lënë pa trajtim rreth 100 pacientë në ditë. Sipas denoncimit të gazetarit Osman Stafa gjendja ka dalë jashtë kontrollit. Pacientët të gjendur tashmë në këtë situatë kanë thyer protokollet, gjë kjo me pasoja të rënda pasi rrezet nuk mund të bëhen 2 ditë po dhe 3 ditë jo.
”Qendra Spitalore Universitare “Nënë Tereza” informon pacientët, se në Njësinë e Radioterapisë, akseleratori linear, LINAC 1, ka shfaqur një problematikë në sistem ditën e sotme ku menjëherë pas njoftimit nga stafi është kërkuar asistenca e teknikëve të mirëmbajtjes.
Pas ndërhyrjes teknike të kryer nga inxhinierët dhe zëvendësimit të një komponenti të akseleratorit, u realizuan të gjitha verifikimet mekanike dhe dozimetrike, si dhe kalibrimet përkatëse. Këto procese u kryen me qëllim sigurimin e funksionimit të pajisjes në përputhje me standardet e kërkuara të sigurisë dhe cilësisë për trajtimin e pacientëve.
Ndërkohë, edhe akseleratori LINAC 2 është në funksion të plotë, pas ndërhyrjes së ekpertëve për defektin teknik në derën e bunkerit në të cilën kjo pajisje ndodhet.Aktualisht të dy akseleratorët linearë janë në funksion dhe punojnë me kapacitete të plota për te ofruar trajtimet ndaj pacienteve.
Pacientët e Shërbimit Onkologjik informohen rregullisht për përditësimet në shërbim duke koordinuar me stafin mjekësor realizimin e terapive sipas gjithë protokolleve" thuhet në njoftimin e QSUT-së.
