Pak orë para protestës së paralajmëruar, Policia ka rrethuar me barriera metalike perimetrin pranë Parlamentit, nga Xhamia e Namazgja...
AKTUALITET
Ndeshja Tirana-Partizani, policia njofton masat! Ja rrugët që do të bllokohen
PiranjatPërditësimi i fundit 3 Tetor 2025, 15:50
Policia e Tiranës ka njoftuar masat për garantimin e rendit dhe sigurisë gjatë ndeshjes së futbollit mes "KF Tirana" dhe "Partizani", që do të zhvillohet këtë pasdite, në orën 19:00, në stadiumin “Arena Kombëtare”.
Sipas njoftimit të bluve të kryeqytetit, për arsye sigurie, segmentet rrugore që do të bllokohen nga ora 17:00 deri në përfundim të ndeshjes janë, Sheshi "Nënë Tereza", rruga "Lekë Dukagjini", rruga "Dervish Hima" dhe zonat përreth stadiumit "Air Albania".
Tifozët do të lëvizin sipas rrugëkalimeve të përcaktuara, tifozët e Tiranës nga "Teatri i Kukullave" dhe tifozët e Partizanit nga rruga "Muhamet Gjollesha", për t’u drejtuar tek tribunat e stadiumit. Policia shton më tej se do të kryej kontrolle të rrepta për sende të kundërligjshme dhe do të lejojnë hyrjen vetëm për tifozët me dokument identifikimi. Fëmijët nën 16 vjeç mund të hyjnë vetëm nëse shoqërohen me prindërit.
Njoftimi i policisë:
Policia e Tiranës ka marrë të gjitha masat për garantimin e rendit dhe sigurisë, para, gjatë dhe pas zhvillimit të ndeshjes së futbollit ndërmjet ekipeve “KF Tirana” dhe “Partizani”, që do të zhvillohet ditën e sotme, në orën 19:00, në stadiumin “Arena Kombëtare”.
Segmentet rrugore që do të jenë të bllokuara, nga ora 17:00 deri në përfundim të aktivitetit, janë Sheshi “Nënë Tereza”, rruga “Lekë Dukagjini”, rruga “Dervish Hima” dhe zonat përreth stadiumit “Air Albania”.
Rrugëkalimet e tifozëve do të jenë si më poshtë: – Lëvizja e tifozëve të Tiranës do të bëhet: Nisja përballë “Teatrit të Kukullave” rruga “Xhorxh Bush”, rruga e “Elbasanit”, aAmbasada e SHBA-së, kthim në rrugën “Dervish Hima”, kthim në rrugën “Sheh Ahmet Pazari” dhe t’i drejtohen tribunës “S” të stadiumit; – Lëvizja e tifozëve të Partizanit do të bëhet: nga kryqëzimi i rrugës “Muhamet Gjollesha” ura “Vasil Shanto”, kryqëzimi i rrugës “Komuna e Parisit”, rruga “Sulejman Delvina”, Libri Univeristar, Presidenca drejt për tek COIN dhe më pas t’u drejtohen hyrjeve tek tribuna N dhe E e stadiumit.
Policia do të garantojë dhe do të sigurojë lëvizjen e tifozëve përgjatë rrugëkalimeve të caktuara dhe nuk do të lejojë grumbullim apo kalim të tifozëve, jashtë itinerarit të caktuar.
Në zbatim të planit të masave, do të ushtrohen kontrolle rigoroze ndaj tifozëve, para hyrjes në stadium, për sende të kundërligjshme (sende të forta, bidonë uji, çadra, çelësa metalikë apo lëndë piroteknike etj). Çdo tifoz duhet të jetë i pajisur me dokument identifikimi.
Nuk do të lejohen të futen në stadium shtetas pa dokument identifikimi, si dhe fëmijët nën moshën 16 vjeç, pavarësisht se mund të jenë të pajisur me bileta, nuk do të lejohen pa praninë e prindit apo kujdestarit (shoqëruar me dokument).
Nuk do të lejohen të futen në stadium të gjithë ata tifozë të cilët në aktivitete të ndryshme sportive janë të identifikuar nga Policia, si tifozë problematikë.
Policia e Tiranës kërkon mirëkuptimin e tifozerive respektive, për zbatimin e masave të mësipërme, si dhe mirëkuptimin e qytetarëve për të evituar lëvizjen me automjete në segmentet rrugore të lartpërmendura, në oraret e caktuara.
