Pak orë para protestës së paralajmëruar, Policia ka rrethuar me barriera metalike perimetrin pranë Parlamentit, nga Xhamia e Namazgja...
AKTUALITET
Vodhi suvenire nga dy stenda, 34-vjeçari përfundon në prangat e policisë
PiranjatPërditësimi i fundit 3 Tetor 2025, 15:26
Policia e Sarandës ka finalizuar operacionin policor të koduar “Souvenirs”, ku në pranga ka rënë një 34-vjeçar, i cili dyshohet të ketë vjedhur suvenire me vlerë 40,000 lekë nga dy stenda në Sarandë. Ngjarja ka ndodhur më 1 tetor 2025, gjatë natës, ku autori ka vjedhur suvenire nga dy stendat e dy tregtarëve të ndryshëm.
Sipas policies, pas hetimeve të shpejta, është bërë e mundur ndalimi i autorit, ndërsa një pjesë e sendeve të vjedhura janë sekuestruar si prova materiale.
Njoftimi i policisë:
Sarandë/Finalizohet operacioni policor i koduar “Souvenirs”, zbardhen dhe dokumentohen 2 raste vjedhjeje suveniresh në qytet.
Vodhi suvenire me vlerë 40 000 lekë në dy stenda në Sarandë, kapet dhe ndalohet 34-vjeçari.
Strukturat hetimore të Komisariatit të Policisë Sarandë, në kuadër të operacionit policor të koduar “Souvenirs”, në vijim të veprimeve për goditjen e krimeve kundër pronës, bënë të mundur dokumentimin e 2 rasteve të vjedhjes në Sarandë, si dhe ndalimin e autorit të dyshuar, shtetasit:
• E. M., 34 vjeç, banues në Sarandë.Nga veprimet hetimore dyshohet se ky shtetas, më datë 01.10.2025, gjatë natës, ka vjedhjur disa suvenire me vlerë rreth 40 000 lekë, në stendën e shtetasit S. L. dhe në stendën e shtetasit B. S.
Në cilësinë e provës materiale u sekuestrua një pjesë e sendeve të vjedhura.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme, për veprën penale “Vjedhja”.
